ڕۆژی شەممە ٧ی ڕەزبەری ١٤٠٣، هاووڵاتیی کورد بە ناوی "فەرشید زارعی" خەڵکی سنە لە سێڕێیانی نمەکیی ئەم شارە، کرایە ئامانجی هێرشی "کەسانی سەلەفیی توندئاژۆی نزیک لە حکوومەت" بە "چەقۆ و قەمە" و بە هۆی توندی و زۆریی برینەکانییەوە چووە کۆماوە.
ڕۆژی پێنجشەممە ٥ی ڕەزبەری ١٤٠٣، سۆهراب ئاویزکەن، بەندکراوی سیاسیی خەڵکی مەهاباد کە ماوەی سزاکەی لە بەندیخانەی ئەم شارە تێپەڕ دەکات، نێردرایە مورەخەسی.
محەممەد ڕەسووڵپوور، هاووڵاتیی خەڵکی شنۆ لەلایەن دادگای ئینقلابی ئەم شارەوە بە سەرۆکایەتیی دادوەر "عەلی ئەنساری" بە دوو ساڵ بەندکرانی داسەپاو سزا درا.
سەرلەبەیانیی ڕۆژی چوارشەممە ٤ی ڕەزبەری ١٤٠٣، سزای لەسێدارەدانی بەندکراوێک بە ناوی "کامبەخش مەحموودی" خەڵک شاری بێستوون لە بەندیخانەی ناوەندیی کرماشان جێبەجێ کرا.
کەمپەینی ئازادی بۆ پەخشان عەزیزی بڵاوی کردەوە، لەکاتێکدا کە دۆسییەی پەخشان عەزیزی و بنەماڵەکەی بۆ داوای پێداچوونەوە ڕادەستی دیوانی باڵای وڵات کراوە، ڕۆژی پێنجشەممە ٥ی ڕەزبەری ١٤٠٣، سزای بەندکرانی سێ کەس لە ئەندامانی بنەماڵەی پەخشان عەزیزی…
ڕۆژی چوارشەممە ٤ی ڕەزبەری ١٤٠٣، موژگان کاوسی، لێکۆڵەر و لە چالاکانی بواری زمان و ئێتنیکی خەڵکی کەلاردەشتی مازەندەران لە بەندیخانەی تۆن‌کابۆن ئازاد کرا.
هاوکات لەگەڵ دەسپێکی ساڵی نوێی خوێندنی ١٤٠٣-١٤٠٤ لە ئێران، ڕۆژی سێشەممە ٣ی ڕەزبەری ١٤٠٣، هێزە ئەەمنییەتییەکان هێرشیان کردە سەر قوتابخانەی دواناوەندیی شاهێد لە جوانڕۆ و لە پێوەندی لەگەڵ بزووتنەوەی ژن، ژیان، ئازادی بۆ ماوەی چەند کاتژمێر،…
ڕۆژی پێنجشەممە ٥ی ڕەزبەری ١٤٠٣، سلێمان عەبدی، ئەندامی ئەنجومەنی سێنفیی مامۆستایانی کوردستان – سەقز لەگەڵ تەواوبوونی ماوەی سزاکەی، ئازاد کرا.
محەممەدڕەزا قەیتەرانی لە دەسبەسەرکراوانی بزووتنەوەی ژن، ژیان، ئازادی لەلایەن لقی یەکی دادگای ئینقلابی مەهابادەوە بە سەرۆکایەتیی دادوەر "دووستی" بە ٦ مانگ بەندکرانی داسەپاو سزا درا.
سەرەڕای تێپەڕبوونی ٢٢ ڕۆژ لە کاتی دەسبەسەرکرانی لوقمان زەنگی، هاووڵاتیی تەمەن ٥٢ ساڵی خەڵکی گوندی "کانی سورک" سەر بە شاری شنۆ، سەبارەت بە چارەنووسی ناوبراو زانیارییەکی ورد لەبەر دەستدا نییە.
ئاژانسی هەواڵدەریی کوردپا
