لوقمان عەلیزادە، بەندکراوی عەقیدەتی-سیاسی پاش تێپەڕبوونی ساڵێک لە کاتی دەسبەسەرکرانی، بە هۆی ئازار و ئەشکەنجەی زۆرەوە لە گرتنگە ئەمنییەتییەکان، لە دۆخێکی نالەباری جەستەییدایە.
ڕۆژی چوارشەممە ٤ی ڕەزبەری ١٤٠٣، هاووڵاتییەکی کورد بە ناوی "سیامەند زەنگی" تەمەن ٢٧ ساڵ و خەڵکی "کانی سۆرک" سەر بە شاری شنۆ، بە دانانی بارمتەی یەک میلیارد تمەنی و بەشێوەی کاتی لە بەندیخانەی ئەم شارە ئازاد کرا.
ڕۆژی چوارشەممە ٤ی ڕەزبەری ١٤٠٣، سێ هاووڵاتیی کورد بە ناوەکانی "سروە شیری" تەمەن ٢٢ ساڵ، "پەیمان شیری" تەمەن ١٩ ساڵ و "فەردین شیری" خەڵکی گوندی "تەرەغە" سەر بە شاری بۆکان، لەلایەن هێزە ئەمنییەتییەکانەوە دەسبەسەر کران.
ڕۆژی چوارشەممە ٤ی ڕەزبەر، سلێمان سالک، بەندکراوی سیاسیی خەڵکی مەهاباد لە بەندیخانەی ئەم شارەوە نێردرایە مورەخەسی.
ڕۆژی دووشەممە ٢ی ڕەزبەری ١٤٠٣، نایب حاجیزادە، بەندکراوی سیاسیی کوردی خەڵکی ورمێ، لە بەندیخانەی ناوەندیی ئەم شارەوە نێردرایە مورەخەسی.
سەرەڕای تێپەڕبوونی دوو حەفتە لە کاتی دەسبەسەرکرانی دایە مینا سوڵتانی، دایکی شەهریار محەممەدی لە گیانلەدەستداوانی بزووتنەوەی ژن، ژیان، ئازادی لە بۆکان، سەبارەت بە چارەنووسی ناوبراو زانیارییەک لەبەر دەستدا نییە.
سەرلەبەیانیی ڕۆژی دووشەممە ٢ی ڕەزبەر، ئەمیرحوسێن حەقجوویان، خاڵۆزا و هاوڕێی ڕەزا ڕەسایی ناڕازیی لەسێدارەدراو لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی دووشەممە ٢ی ڕەزبەری ١٤٠٣، عوسمان ئیسماعیلی، چالاکی کرێکاری بۆ ماوەی ٤ ڕۆژ نێردراوەتە مورەخەسیی دەرمانی.
سەرەڕای تێپەڕبوونی زیاتر لە یەک مانگ لە کاتی دەسبەسەرکرانی ڕەحمان قادری، هاووڵاتیی کوردی خەڵکی پیرانشار، ناوبراو ئێستاش چارەنووسی ناڕوونە و لە بەندیخانەی نەغەدەیە.
لە ماوەی ڕۆژانی ڕابردوودا، سەیاد دەرویشی، برای فەرجاد دەرویشی، لە گیانلەدەستداوانی بزووتنەوەی ژن، ژیان، ئازادی پاش بانگکران بۆ بەشی جێبەجێکاری سزاکانی دادسەرای گشتی و ئینقلابی ورمێ، بە مەبەستی جێبەجێکرانی سزای بەندکرانەکەی، بۆ بەندیخانەی…
ئاژانسی هەواڵدەریی کوردپا
