سەرلەبەیانیی ڕۆژی یەکشەممە ٢٥ی سەرماوەزی ١٤٠٣، سێ هاووڵاتیی کورد بە ناوەکانی "یووسف قاڵ"، "ئارام مەبزوولە" و "زانیار سەیدئەحمەدی" خەڵکی گوندی "بەیرەم" سەر بە شاری مەهاباد، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار…
سەرلەبەیانیی ڕۆژی یەکشەممە ٢٥ی سەرماوەزی ١٤٠٣، لاوێکی کورد بە ناوی "سۆهەیب ئەحمەدی" خەڵکی جوانڕۆ، بە تەقەی هێزە ئینتیزامییەکان گیانی لەدەست دا.
سەرلەبەیانیی ڕۆژی چوارشەممە ٢١ی سەرماوەزی ١٤٠٣، سزای لەسێدارەدرانی دوو بەندکراو بە ناوەکانی "سەجاد عەزیزی" و "ئیبراهیم وەلیزادە" خەڵکی میاندواو، لە بەندیخانەی ئەم شارە جێبەجێ کرا.
سەرەڕای تێپەڕبوونی ١٧ ڕۆژ لە دەسبەسەرکرانی ئەمیر محەممەدخانی، چالاکی مەدەنیی خەڵکی دیواندەرە، سەبارەت بە چارەنووسی ناوبراو زانیارییەک لەبەر دەستدا نییە.
ڕۆژی هەینی ٢٣ی سەرماوەزی ١٤٠٣، مەسعەب سەبزەواری، کۆڵبەری برینداری خەڵکی گوندی "قشلاق" سەر بە بەشی شاهۆی شاری ڕوانسەر لە پاریزگای کرماشان، بە هۆی سەختیی برینەکانییەوە گیانی لەدەست دا.
ڕۆژی پێنجشەممە ٢٢ی سەرماوەزی ١٤٠٣، هاووڵاتییەک بە ناوی "دیاکۆ عەزیزی" خەڵکی گوندی "باب خاڵاوێ" سەر بە شاری شنۆ، بە مەبەستی جێبەجێکرانی سزای بەندکرانەکەی خۆی بە بەندیخانەی ئەم شارە ناساند.
بەهمەن نادری، هاووڵاتیی خەڵکی کرماشان لەلایەن لقی یەکی دادگای ئینقلابی ئەم شارەوە بە تۆمەتی "پڕوپاگەندە دژی نیزام" بە یەک ساڵ بەندکرانی هەڵپەسێردراو و پێبژاردنی ١٠ میلیۆن تمەن سزای نەختی سزا دراوە.
ڕۆژی چوارشەممە ٢١ی سەرماوەزی ١٤٠٣، کۆڵبەرێک بە ناوی "عەبدوڵڵا مەعرووفی" خەڵکی پیرانشار، بە تەقەی هێزە نیزامییەکانی حکوومەت لە سنووری ئەم شارە بریندار کرا.
سەرلەبەیانیی ڕۆژی چوارشەممە ٢١ی سەرماوەز، کۆڵبەرێک بە ناوی "مەسعەب سەبزەواری" بە تەقەی هێزە نیزامییەکانی حکوومەت لە سنووری نەوسوود بە سەختی بریندار بوو.
ئیدریس مینبەری، ئەندامی بەڕێوەبەریی ڕێکخراوی نۆژین، لەلایەن لقی یەکی دادگای ئینقلابی سنەوە بە دوو ساڵ بەندکران سزا درا.
ئاژانسی هەواڵدەریی کوردپا
