رێكخراوی بەرگری لە مافی مرۆڤی كوردستان لە بەرەبەری سەردانی لێپرسراوی رێكخراوی نەتەوە یەكگرتووەكان و هەروەها نوێنەرانی وڵاتانی بێلایەن (عدم تعهد) بۆ تاران نامەیەكیان پێشكەش بەو لێپرسراوە كرد.
لە ماوەی حەفتەی رابردوودا شەپۆلێكی نوێ لە دەستبەسەر كرانی لاوانی شاری سەردەشت دەستی پێكرد و هەر لەم پێوەندییەدا رێكەوتی 3ی خەرمانان هاووڵاتییەكی دیكەی ئەو شارە لەلایەن هێزە ئیتلاعاتییەكانەوە قۆڵبەست كراوە.
كرێكارانی كوردی هێڵی ئاسنی ناوچەی شاروێرانی مەهاباد بەهۆی نەدانی مووچەی چەند مانگەیان مانیان لە كار كردن گرتووە.
كتێبی"سێ‌خشتەكیی كورمانج" لە خوراسانی باكوور لەلایەن ناوەندە پێوەندیدارەكانەوە مۆڵەتی چاپی دووەمی پێنادرێت.
لاوێكی كوردی خەڵكی شاری سەردەشت كە10 رۆژ لەمەوبەر لەلایەن هێزەكانی ئیدارەی ئیتلاعاتی ئەو شارەوە دەستبەسەر كراوە، هەتا ئێستا لەمەڕ چارەنووسی هەواڵێك لەبەر دەستدا نیە.
كچێكی كوردی خەڵكی روانسەر كە رۆژی هەینیی پێشوو لە جەریانی رێپێوانی رۆژی قودس لە شاری روانسەر لەلایەن هێزە لیباس شەخسییەكانەوە دەستبەسەر كرا، پاش چوار رۆژ رەوانەی ئیدارەی ئیتلاعاتی شاری كرماشان كرا.
بنەماڵەی شاهۆ حوسێنی رۆژنامەنووس و چالاكی فەرهەنگی لەلایەن ناوەندە ئەمنیەتییەكانی حكوومەتی ئیسلامیی ئێرانەوە بانگهێشت كراون.
چەند رۆژ لەمەوبەر لە شاری سەردەشت تەقەی راستەوخۆی هێزی ئینتزامیی كوژران و برینداری دوو هاووڵاتیی كوردی لێكەوتۆتەوە.
زیاتر لە شەش رۆژە چوار پەنابەری سیاسیی كوردی ئێرانی بەهۆی ناڕوونیی دۆسیەكانیان لەبەردەم كۆمیساریای باڵای پەنابەران لە شاری ئانكارای توركیە مانیان لە خواردن گرتووە و رەوشی تەندروستییان ناجێگیرە.
زیندانییەك لە گرتووخانەی شاری تەورێز بەهۆی رۆژوو شكاندن لەلایەن هێزەكانی زیندانەوە درایە بەر لێدان و كوتان و لە ئەنجامدا گیانی لەدەست دا.
ئاژانسی هەواڵدەریی کوردپا
