ڕۆژی یەکشەممە ١٩ی گەلاوێژی ١٤٠٤، ڕامین گورگانی، بەندکراوی سیاسیی پێشووی خەڵکی کامێران لەلایەن هێزە ئەمنیەتییەکانەوە دەسبەسەر کرا و بە مەبەستی لێپرسینەوە بۆ گرتنگەی ئیتلاعاتی سنە ڕاگوێزرا.
ڕۆژی دووشەممە ٢٠ی گەلاوێژی ١٤٠٤، ئەمین کەریمی ناسراو بە "ئەمینۆ"، هونەرمەند و ئەکتەری تێئاتری خەڵکی ورمێ پاش کۆتاییهاتنی قۆناغەکانی لێپرسینەوەکەی لە گرتنگەی ئیتلاعاتەوە بۆ بەندیخانەی ناوەندیی ورمێ ڕاگوێزرا.
ڕۆژی سێشەممە ٢١ی گەلاوێژی ١٤٠٤، فەرهاد کەریمی، هاووڵاتیی خەڵکی نەغەدە پاش ٤٠ ڕۆژ دەسبەسەرکرانی کاتی بە دانانی بارمتە لە بەندیخانەی ئەم شارە ئازاد کرا.
ڕۆژی شەممە ١٨ی گەلاوێژی ١٤٠٤، سامان کەریمی، بەندکراوی سیاسیی پێشووی مەحکووم بە سێدارە بە دانانی بارمتەی پێنج میلیارد تمەنی و بە شێوەی کاتی لە بەندیخانەی بانە ئازاد کرا.
ڕۆژی چوارشەممە ١٥ی گەلاوێژی ١٤٠٤، کۆڵبەرێک بە ناوی "خالید ئەحمەدیان" خەڵکی گوندی "سیوچ" سەر بە شاری بانە بە تەقەی هێزە نیزامییەکانی حکوومەت بە سەختی بریندار بوو و بە مەبەستی وەرگرتنی چارەسەی پزیشکی ڕەوانەی نەخۆشخانەیەکی تەورێز کرا.
ڕۆژی چوارشەممە ١٥ی گەلاوێژی ١٤٠٤، هاووڵاتییەکی خەڵکی پیرانشار بە ناوی "زوبەیر مەحموودی" پاش ٢٨ ڕۆژ لێپرسینەوە و دەسبەسەرکرانی سەرەڕۆیانە لە یەکێک لە گرتنگە ئەمنییەتییەکانی ورمێوە بۆ بەندیخانەی نەغەدە ڕاگوێزرا.
سەبارەت بە چارەنووسی مەتین ئوسلووب، هاووڵاتیی خەڵکی نەغەدە، لە دوای دەسبەسەکرانیەوە زانیارییەک لەبەر دەستدا نییە.
١٤ی گەلاوێژی ١٤٠٤؛ ڕۆژی ڕابردوو، "ئەبووەکر عوقابی" هاووڵاتیی خەڵکی گوندی "باڵاگیر" سەر بە شاری شنۆ، پاش ئامادەبوون لە ئیتلاعات بۆ بەدواداچوون بۆ بەڵگەکانی پێناسی خۆی دوابەدوای هێرشی شەوانەی هێزە ئەمنییەتییەکان بۆ سەر گوندەکە، بە شێوەیەکی…
١٨ی گەلاوێژی ١٤٠٤؛ سەرەڕای تێپەڕبوونی ٢٤ ڕۆژ لە دەسبەسەرکرانی سەرەڕۆیانە و توندوتیژانەی ئەسعەد سدیقی، چالاکی مەدەنیی خەڵکی سەقز، سەبارەت بە چارەنووسی ناوبراو لە دەسپێڕاگەیشتن بە پارێزەر، پێوەندیی تلفۆنی و چاوپێکەوتن لەەگەڵ بنەماڵەکەی بێبەری…
١٥ی گەلاوێژی ١٤٠٤؛ سەرەڕای تێپەڕبوونی پێنج ڕۆژ لە دەسبەسەرکرانی سەرەڕۆیانەی "ڕەفیق مستەفایی" هاووڵاتیی تەمەن ٤٢ ساڵی خەڵکی مەریوان، هێشتا سەبارەت بە چارەنووس یان شوێنی راگیرانی ناوبراو زانیارییەک لەبەر دەستدا نییە.
ئاژانسی هەواڵدەریی کوردپا
