مۆنۆمێنتی شەهیدانی هەڵەبجە لە شاری شنۆ داندرا + وێنـــە

ئاژانسی کوردپا: لە مەیدانی هەڵەبجەی شاری شنۆ مۆنۆمێنتێک بۆ وەبیرهێنانەوەی شەهیدبوونی ٥ هەزار هاووڵاتیی کوردی شاری هەڵەبجە، داندرا.

بەپێی راپۆرتی ئاژانسی هەواڵدەریی کوردپا، بۆ رێزگرتن لە قوربانیانی کارەساتی کیمیاباران کردنی شاری هەڵەبجە بەدەستی حکوومەتی بەعثی ئێراق، مۆنۆمێنتی شەهیدانی هەڵەبجە کە هێمایەک لە شەهیدبوونی ٥ هەزار هاووڵاتیی هەڵەبجەییە، لە مەیدانی هەڵەبجەی گەڕەکی \"سەلیم ئاوا\"ی شاری شنۆ دامەزرا.

هەوەها پەیکەری \"عومەری خاوەر\" و منداڵەکەی باوەشی لەو مەیدانەدا داندراون کەلە رەشەممەی ساڵی ١٣٦٦ی هەتاویدا بوون بە قوربانیی چەکی کیمیایی و ئێستا وەکوو ھێمای کارەساتی ھەڵەبجە دەناسرێن.

رەسووڵ پەیغامی لێپرسراوی شارەوانیی شاری شنۆ بە ماڵپەڕی \"شنۆ باس\"ی راگەیاندووە، ئەو مۆنۆمێنتە ٣٠ میلیۆن تمەن تێچووی هەڵگرتووە.

هەروەها لە پووشپەڕی هەمان ساڵدا شاری سه‌رده‌شت له‌لایه‌ن حکوومه‌تی به‌عسی عێراقه‌وه‌که‌وته‌به‌ر چه‌کی شیمیایی و نزیک به‌٥٠٠ که‌س بوونه‌قوربانی و زیاتر له‌٨ هه‌زرا که‌سیش بریندار بوون.

شاری سه‌رده‌شت به‌حه‌شیمه‌تی ١٠٥ هه‌زار و ٥٦٩ که‌سه‌وه‌یه‌کێک له‌شاره‌سنوورییه‌کانی پارێزگای ئازه‌ربایجانی رۆژئاوایه‌که‌له‌جه‌ریانی شه‌ڕی هه‌شت ساڵی نێوان عێراق ـ ئێراندا یه‌ک له‌و شارانه‌بوو که‌که‌وتۆته‌به‌ر چه‌کی شیمیایی و جیا له‌و هه‌موو قوربانیه‌، ئێستاش پاش ٢٦ ساڵ، کاریگه‌رییه‌سروشتی و ئینسانییه‌کانی ئه‌و چه‌که‌له‌سه‌ر ناوچه‌که‌و دانیشتوانی ماوه‌تەوە.