سنە؛ دەسبەسەرکرانی فەرهاد مینبەری لەلایەن هێزە ئەمنییەتییەکانەوە

ڕۆژی دووشەممە ٢٤ی بەفرانباری ١٤٠٣، هاووڵاتییەکی کورد بە ناوی "فەرهاد مینبەری" تەمەن ٣٠ ساڵ و کوڕی محەممەدڕەحیم، خەڵکی گوندی "نییەر" سەر بە شاری سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.

بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەم هاووڵاتییەیان لە مەیدانی ئێقباڵی سنە دەسبەسەر کردووە.

هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی فەرهاد مینبەری زانیارییەک لەبەر دەستدا نییە.