پیرانشار؛ دەسبەسەرکرانی ئەمین بازیان لەلایەن هێزە ئەمنییەتییەکانەوە

سەرلەبەیانیی ڕۆژی هەینی ٧ی بەفرانباری ١٤٠٣، لاوێکی کورد بە ناوی "ئەمین بازیان" خەڵکی پیرانشار، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.

بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەم هاووڵاتییەیان دەسبەسەر کردووە.

ئەمین بازیان لەدایکبووی ساڵی ١٣٧٥ و کوڕی محەممەدە.

هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم لاوە کوردە زانیارییەک لەبەر دەستدا نییە.