سەوڵاوا؛ چوار هاووڵاتیی کورد لەلایەن هێزە ئەمنییەتییەکانەوە دەسبەسەر کران

سەرلەبەیانیی ڕۆژی سێشەممە ١٥ی خەزەڵوەری ١٤٠٣، چوار هاووڵاتیی کورد بە ناوەکانی "حەمید ساڵحینژاد" تەمەن ٢٧ ساڵ، "جەعفەر ئەردەڵان" تەمەن ٤٠ ساڵ، "محەممەد کەریمی" تەمەن ٣١ ساڵ و "سینا ئەسەدی حەکیم" تەمەن ١٥ ساڵ و خەڵکی گوندی "دێوەزناو" لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.

بە وتەی سەرچاوەیەکی ئاگادار، هێزە ئەمنییەتییەکان هێرشیان کردووەتە سەر گوندی "دێوەزناو" و بە بێ بەڵگەی یاسایی و بە توندوتیژییەوە ئەم چوار هاووڵاتییەیان دەسبەسەر کردوون.

هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم چوار هاووڵاتییە کوردە زانیارییەک لەبەر دەستدا نییە.

وێنە لە ڕاستەوە بۆ چەپ: محەممەد کەریمی و حەمید ساڵحینژاد