مەریوان؛ ٢٢ ڕۆژ دەسبەسەرکران و ناڕوونی چارەنووسی دلێر زاهێدیپوور، چالاکی ژینگەپارێز
06:18 - 29 رێبەندان 2723
![](/content/upload/1/news-kurdpa/6164.jpg)
سەرەڕای تێپەڕبوونی ٢٢ ڕۆژ لە دەسبەسەرکرانی دلێر زاهێدیپوور، هاووڵاتیی خەڵکی مەریوان، چارەنووسی ناوبراو ناڕوونە.
بە وتەی سەرچاوەیەکی ئاگاداری کوردپا، ئەم هاووڵاتییە تەمەن ٤٥ ساڵەیە، پاش دەسبەسەرکران، لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری بووە.
ناڕوونیی چارەنووسی ئەم هاووڵاتییە نیگەرانیی بنەماڵەکەی بەدواوە بووە و تاکوو ئێستا هیچ ناوەندێک وڵامی بنەماڵەکەی نەداونەتەوە.
ڕۆژی هەینی، ٦ی ڕێبەندان، ئەم هاووڵاتییە کوردە بە بێ بەڵگەی یاسایی لە دەرەوەی ماڵەکەی خۆی، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا. هێزە ئەمنییەتییەکان دەستیان بە سەر مۆبایل و ماشینی ئەم هاووڵاتییەشدا گرتووە.
تاکوو ئێستا لە هۆکاری دەسبەسەرکران و تۆمەتە وەپاڵدراوەکان دژی دلێر زاهێدیپوور، زانیارییەک دەست نەکەوتووە.