کۆڵبەرێکی خەڵکی سەڵماس بە تەقەی هێزە نیزامییەکانی حکوومەت لە سنووری بانە گیانی لەدەست دا
20:48 - 20 بەفرانبار 2723
سەرلەبەیانیی ڕۆژی سێشەممە، ١٩ی بەفرانبار، کۆڵبەرێک بە ناوی "شۆڕش خەرەگوشی"، تەمەن ٣٣ ساڵ و خەڵکی سەڵماس، بە تەقەی هێزە نیزامییەکانی حکوومەت لە سنووری بانە، گیانی لەدەست دا.
بە وتەی سەرچاوەیەکی ئاگاداری کوردپا، هێزە نیزامییەکانی حکوومەت بە بێ ئاگادارکردنەوەی پێشوو و لە مەودای نزیکەوە تەقەیان لەم کۆڵبەرە کردووە.
ئەم سەرچاوە ئاگادارە ڕایگەیاند: دوو فیشەک بەر سینگی ئەم کۆڵبەرە کەوتوون و دەسبەجێ گیانی لەدەست داوە.
ئەم سەرچاوە ئاگادارە وتی: تاکوو ئێستا تەرمی ئەم کۆڵبەرە ڕادەستی بنەماڵەکەی نەکراوەتەوە.
شۆڕش خەرەگوشی خێزاندار و باوکی منداڵێکی ٦ ساڵان بووە.
