برینداربوونی کۆڵبەرێک بە تەقەی هێزە نیزامییەکانی حکوومەت لە سەلاسی باوەجانی

ڕۆژی پێنجشەممە ٢١ی بانەمەڕ، کۆڵبەرێکی کورد بە ناوی "خالید سداقەت"، خەڵکی شاری سەلاسی باوەجانی بە تەقەی هێزە نیزامییەکانی حکوومەت بریندار بوو.

هێزە نیزامییەکانی حکوومەت بە بێ هۆشداری و ئاگادارکردنەوەی پێشوو، لە نزیک جاددەی ئەزگلە - شێخ سڵە، ئەم کۆڵبەرەیان داوەتە بەر دەسڕێژی ڕاستەوخۆ.

ئەم کۆڵبەرە لەم ڕووداوەدا لاقی بەتوندی بریندار بووە و بەمەبەستی وەرگرتنی چارەسەری پزیشکی بۆ نەخۆشخانەی مەدائێنی تاران ڕاگوێزراوە.

دۆخی گشتیی ئەم کۆڵبەرە نالەبار ڕاگەیەندراوە و سبەی سێشەممە، ٢٦ی بانەمەڕ نەشتەرگەریی بۆ دەکرێت.