هاووڵاتییەک بە ناوی "ئومید مستەفاپوور" لە نەغەدە دەسبەسەر کرا

ڕۆژی هەینی ١٣ی پووشپەڕ، هاووڵاتییەکی کورد بە ناوی "ئومید مستەفاپوور" خەڵکی نەغەدە، لەلایەن هێزە ئەمنییەتییەکانەوە دەسبەسەر کرا.

هێزە ئەمنییەتییەکان بەبێ بەڵگەی یاسایی هێرشیان کردووەتە سەر ماڵی ئەو هاووڵاتییە و ناوبراویان دەسبەسەر کردووە.

هێزە ئەمنییەتییەکان پاش پشکنینی ماڵی "ئومید مستەفاپوور"، دەستیان بەسەر هێندێک کەرەستەی کەسیی ناوبراودا گرتووە و لەگەڵ خۆیان بردوویانە.

ئەو هاووڵاتییە ئەندامی بەرەی یەکگرتووی کوردە و لە هۆکاری دەسبەسەرکرانی هیچ زانیارییەک لەبەر دەستدا نییە.