هاووڵاتییەکی کورد لە شاری نەغەدە کۆتایی بە ژیانی هێنا

ئەمڕۆ دووشەممە ٤ی خاکەلێوە، هاووڵاتییەکی کورد بە ناوی "فەتاح دەشتی" خەڵکی شاری نەغەدە کۆتایی بە ژیانی خۆی هێنا.

ئەو هاووڵاتییە کوردە دانیشتووی گەڕەکی "ئیسماعیل‌ئاوا"ی شاری نەغەدە و خێزاندارە بووە.

دەوترێ، "فەتاح دەشتی" بەهۆی کێشەی خەمۆکی دەستی داوەتە خۆکوژی و کۆتایی بە ژیانی خۆی هێناوە.

کۆمەڵناسان و شارەزایانی بواری دەروونی، لەو باوەڕە دانکە هەژاری، دەستکورتی، بێهیوایی لە نێو لاوان، هۆکارە سەرەکییەکانی خۆکوژی لە نێو بنەماڵەکان، لاوان و مێرمنداڵان بە ئەژمار دێن.