هاووڵاتییەکی کورد لە سەردەشت دەسبەسەر کرا

لە ماوەی ڕۆژانی ڕابردوودا، هاووڵاتییەکی کورد بە ناوی "محەممەد عەلی خاڵەنژاد" کوڕی "جەماڵ" خەڵکی گوندی "مارەغانـ"ـی سەردەشت، لەلایەن هێزە ئەمنییەتییەکانەوە دەسبەسەر کرا.

سەرچاوەیەکی ئاگادار لەوبارەیەوە بە ئاژانسی کوردپای ڕاگەیاند: "هێزە ئەمنییەتییەکان بەبێ بەڵگەی یاسایی ئەو هاووڵاتییە کوردەیان دەسبەسەر کردووە و دواتر بۆ شوێنێکی نادیاریان ڕاگواستووە.

سەرچاوەی ئاگاداری کوردپا هەروەها وتی: "بەدواداچوونی بنەماڵەی ئەو هاووڵاتییە بۆ ئاگاداربوون لە چارەنووسی کوڕەکەیان و شوێنی ڕاگیرانی، هەتا ئێستا بێئاکام ماوەتەوە".

هەتا کاتی بڵاوبوونەوەی ئەم هەواڵە، لە هۆکار و تۆمەتی‌ وەپاڵدراوی ئەو هاووڵاتییە هیچ زانیارییەک لەبەر دەستدا نییە.