٢٧٥ حاڵەتی پێشێلکاریی مافی مرۆڤ لە کوردستانی ئێران لە ماوەی سێ مانگی سەرەتای ئەمساڵ (١٣٩٩)
ئاژانسی کوردپا لە ڕاپۆرتێکی شێکاری- ئاماری، پڕژاوەتە سەر حاڵەتەکانی پێشێلکاریی مافی مرۆڤ لە کوردستانی ئێران لە وەرزی بەهاری ئەمساڵدا.
تەواوی حاڵەتەکانی پێشێلکاریی مافی مرۆڤ، جگەلە ١٠ حاڵەت (کوژران و برینداربوونی ٨ کۆڵبەر لەلایەن هێزە نیزامییەکانی ئەرتشی تورکیە و کوژران و برینداربوونی دوو هاووڵاتیی مەدەنی لە بۆردوومانی فڕۆکە شەڕکەرەکانی تورکیە لە بەرزاییەکانی شنۆ)، هەموو حاڵەتەکانی دیکە لەلایەن کۆماری ئیسلامیی ئێران ڕوویداوە.
دەسبەسەرکردنی هاووڵاتییان: ٦٧ حاڵەت
کوژران و برینداربوونی کۆڵبەران: ٥٧ حاڵەت (١٩ کوژراو و ٣٨ بریندار)
مەحکوومکردنی هاووڵاتییان بە زیندان و تاوانەکانی دیکە: ٢٥ حاڵەت
کوژران و برینداربوونی هاووڵاتییانی مەدەنی بەهۆی تەقینەوەی مین: ٦ حاڵەت (١ کوژراو و ٥ بریندار)
لەسێدارەدانی هاووڵاتییانی کورد: ١٢ حاڵەت
بانگهێشتکردنی هاووڵاتییان بۆ ئیدارەی ئیتلاعات و دادگاکان: ٢٦ حاڵەت
خراپترکردنی بارودۆخی زیندانییانی سیاسیی کورد لە زیندانەکان: ٧٦ حاڵەت
کوژران و برینداربوونی هاووڵاتییانی مەدەنی: ٧ حاڵەت
