كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی پێنجشەممە ٢٧ی گەلاوێژ، کۆڵبەرێک بە ناوی "مەحموود عوسمانی جەنگەسەر" خەڵکی شاری سەڵماس، لە ئەنجامی تەقینەوەی مینێک لە سنووری "هەنگەژاڵ"ی بانە بە سەختی بریندار و کەمئەندام بوو.
ڕۆژی پێنجشەممە ٢٧ی گەلاوێژ، هاووڵاتییەکی کورد بە ناوی "سلێمان سالک" تەمەن ٦٩ ساڵ خەڵکی شاری مەهاباد، پاش بانگهێشتکردنی بۆ دادگای ئینقلابی پیرانشار، دووبارە دەسبەسەر کرایەوە.
ڕۆژی پێنجشەممە ٢٧ی گەلاوێژی ١٤٠١ی هەتاوی، سێ هاووڵاتیی کورد بە ناوەکانی "پیرۆت تابناک"، فەرهەنگ کەرامت (ئالانی)" و "یەعقووب مەحموودی ئازەر" خەڵکی گوندی "سینگانـ"ـی سەر بە شنۆ بە دانانی بارمتە لە زیندانی ئەو شارە ئازاد کران.
ئێوارەی ڕۆژی چوارشەممە ڕێکەوتی ٢٦ی گەلاوێژی ١٤٠١ی هەتاوی، کۆڵبەرێکی کورد بە ناوی "ئامانج ئازەرپوور" تەمەن ١٧ ساڵ خەڵکی شاری "سەقز" بەهۆی تەقینەوەی مین لە سنووری "هەنگەژاڵـ"ـی بانە بریندار بوو.
ڕۆژی چوارشەممە ٢٦ی گەلاوێژ، یووسف ڕەحمانی، هاووڵاتیی خەڵکی شاری شنۆ بە دانانی بارمتە لە زیندانی ئەو شارە ئازاد کرا.
ئەمڕۆ چوارشەممە ٢٦ی گەلاوێژ، ئەسکەندەر لوتفی، وتەبێژی شۆرای هاوئاهەنگیی ڕێکخراوی سێنفیی فەرهەنگییانی ئێران و ئەندامی هەیئەتی بەڕێوەبەریی ئەنجومەنی سێنفیی مامۆستایانی کوردستان - مەریوان، پاش ١٠٨ ڕۆژ دەسبەسەری بە دانانی بارمتە ئازاد کرا.
ڕۆژی یەکشەممە ٢٣ی گەلاوێژ، هاووڵاتییەک بە ناوی "یوونس تەنهایی" خەڵکی گوندی "حەمزەئاوا"ی شاری مەهاباد، لەلایەن هێزە ئەمنییەتییەکانەوە دەسبەسەر کرا.
چارەنووسی هاووڵاتییەکی کورد بە ناوی "ناسر ئەحمەدزادە" خەڵکی شاری مەهاباد، پاش دەسبەسەرکرانی لەلایەن هێزە ئەمنییەتییەکانەوە، ناڕوونە.
ئێوارەی ڕۆژی سێشەممە ٢٥ی گەلاوێژ، سێ هاووڵاتی بە ناوەکانی "ئەحمەد گورگین" کوڕی مەولوود، "ئیسلام فەیزی" کوڕی حەبیب و "پەیمان تەهازادە" کوڕی عومەر خەڵکی گوندی "گامێش گولی"ی شاری میاندواو، لەلایەن هێزە ئەمنییەتییەکانەوە دەسبەسەر کران.
سەرلەبەیانی ئەمڕۆ سێشەممە ٢٥ی گەلاوێژ، هاووڵاتییەکی دیکە بە ناوی "لوقمان بەهرامی" کوڕی محەممەدئەمین خەڵکی گوندی "قەرەشڵاخـ"ـی مەهاباد، لەلایەن هێزە ئەمنییەتییەکانەوە دەسبەسەر کرا.
ئاژانسی هەواڵدەریی کوردپا
