كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی پێنجشەممە، ٢ی خەرمانان، عەبدوڵڵا ئەبووبەکری، باوکی زانیار ئەبووبەکری لە گیانلەدەستداوانی بزووتنەوەی ژن، ژیان، ئازادی بانگهێشتی ئیدارەی ئیتلاعاتی مەهاباد کراوە و بۆ ماوەی چەند کاتژمێر لێپرسینەوەی لێ کراوە.
سەیوان ئیبراهیمی، وانەبێژی زمانی کوردی و ئەندامی بەڕێوەبەریی ئەنجومەنی فەرهەنگی - کۆمەڵایەتیی نۆژین، لەلایەن لقی ١٠٦ی دادگای کەیفەریی سنەوە بە ساڵێک زیندانی تەعزیری، دوورخرانەوە بۆ زیندانی دێزڵاوای کرماشان و لێدانی ٤٠ قامچی مەحکووم کرا.
سەرلەبەیانیی ڕۆژی چوارشەممە، یەکی خەرمانان، محەممەدتاهیر حوسێنپوور، هاووڵاتیی کوردی خەڵکی نەغەدە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە، یەکی خەرمانان، فاتمە شێخی، هاووڵاتیی خەڵکی ئاودانان، بانگهێشتی لقی ٢ی دادیاریی دادگوستەریی ئەم شارە کرا.
شیوا عامڵیڕاد، مامۆستا و ئەندامی ئەنجومەنی سێنفیی مامۆستایانی کوردستان - مەریوان بە ١٨ ساڵ پێشینەی مامۆستایەتییەوە، لەلایەن ئیدارەی پەروەردەی مەریوانەوە لە کارەکەی دەر کرا.
ڕۆژی دووشەممە، ٣٠ی گەلاوێژ، هاووڵاتییەک بە ناوی "محەممەدحەسەن عەبدی"، کوڕی حەسەن، خەڵکی گوندی "دزڵی"، سەر بە شاری مەریوان، لەلایەن هێزە ئەمنییەتییەکانەوە دەسبەسەر کرا.
ڕۆژی سێشەممە، ٣١ی گەلاوێژ، کۆڵبەرێک بە ناوی "ئومید لوتفی"، خەڵکی مەریوان، بە تەقەی هێزە نیزامییەکان لە سنووری "کێلێ"ی بانە بریندار بوو.
دوو هاووڵاتیی کورد بە ناوەکانی "سیامەک هەیاسی" و "ئالان داغدار"، خەڵکی گوندی "حاجیاوا"ی بۆکان، سەرەڕای تێپەڕبوونی ٤ مانگ لە دەسبەسەرکرانیان، هێشتا چارەنووسیان ناڕوونە و لە گرتنگەی ئەمنییەتیی ورمێدان.
ڕۆژی سێشەممە، ٣١ی گەلاوێژ، هاووڵاتییەک بە ناوی "یووسف فەتحیزادە"، خەڵکی شاری بەدرە، سەر بە پارێزگای ئیلام، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزرا.
ڕۆژی پێنجشەممە، ٢٦ی گەلاوێژ، لاوێکی کورد بە ناوی "موعین شەریفیان"، تەمەن ٢١ ساڵ و خەڵکی پەسوێی پیرانشار، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
