حوکمی لە سێدارەدانی دوو زیندانیی سیاسیی کورد خەڵکی شاری سنە، لەسەر بڕیاری سەرۆکی پێشووی دادگای ئینقلابی ئەو شارە، لە ماوەی کەمتر لە ٤٨ کاتژمێر بەڕێوەچووە.
لاوێکی کورد خەڵکی گوندی "سەردۆش" سەر بە شاری مەریوان، بە دانانی بارمتەی ٣٠٠ میلیۆن تەمەنی ئازاد کرا.
ئیدارەی ئیتلاعاتی شاری سنە، ڕێگری لە چوونی یەکێک لە مامۆستایانی قوتابخانەی ئیمام بوخارایی شاری سنە، بۆ شاری زاهیدان کرد.
کۆڵبەرێکی کورد خەڵکی شاری مەریوان، بەهۆی تەقینەوەی مین لاقێکی لەدەست دا و بە سەختی بریندار بوو.
هێزە ئیتلاعاتییەکان لە شاری سەقز، هاووڵاتییەکی خەڵکی یەکێک لە گوندەکانی ئەو شارەیان دەسبەسەر کرد.
سەربازێکی کورد خەڵکی شاری سەقز لە یەکێک لە پادگانەکانی ئەرتەشی ئێران لە شاری ورمێ خۆکوژی کرد.
بە هۆی باران بارین و هەستانی سێڵاو، لە ڕۆژی ڕابردوودا، لە شارەکانی کوردستان، ٣٠گوندی شاری ڕوانسەر، ڕێگای هاتوچۆیان داخراوە.
دوو کۆڵبەری کورد کە بۆ دابینکردنی بژیوی ژیانیان ڕوویان لە ناوچە سنوورییەکانی کوردستان کردبوو، بە تەقەی هێزە نیزامییەکانی حکوومەتی ئێران، بریندار بوون.
سێ تاوانباری دۆسیەی بکوژارانی سادق بەرمەکی، لاوی ١٩ ساڵەی مەهابادی، بە قیساس مەحکووم کران و ئەم بڕیارەش لە لایەن دیوانی باڵای وڵاتەوە، پشتڕاست کرایەوە.
مێرمنداڵێکی دەرهێنەری کورد، خەڵکی شاری سەقز، توانی خەڵاتی تایبەتی فێستیڤاڵی فیلمی سلێمانی، بۆ خۆی مسۆگەر بکات.
ئاژانسی هەواڵدەریی کوردپا
