"زارا محەممەدی"، مامۆستای زمانی کوردی و ئەندامی ئەنجومەنی فەرهەنگی- کۆمەڵایەتیی "نۆژین"، بە تۆمەتی "دانانی دەستە و گرووپ دژ بە نیزام بە مەبەستی تێکدانی ئەمنییەتی نەتەوەیی" لەلایەن لقی ١ی دادگای ئینقلابی سنە، ۱۰ ساڵ زیندانی بەسەردا سەپا.
ڕۆژی دووشەممە ٢٣ی پووشپەڕ، ژنێکی تەمەن ٣٥ ساڵ بە ناوی "لەیلا.ش" خەڵکی بۆکان و دانیشتووی گوندی "کۆخانـ"ـی بانە، کاتژمێر ١١:٥٠ خولەکی پێش نیوەڕۆ، تووشی تێکچوونی باری تەندروستی بووە و بەهۆی کەمتەرخەمیی بەرپرسانی حکوومەتی، گیانی لەدەست دا.
ئێوارەی ڕۆژی شەممە ٢١ی پووشپەڕ، هاووڵاتییەکی کورد بە ناوی "عەلی زەواری" کوڕی "ڕەسووڵ" خەڵکی گوندی "مێشەدێ" و دانیشتووی گەڕەکی "کۆنەخانێــی پیرانشار، لەلایەن هێزە ئەمنییەتییەکانەوە دەسبەسەر کرا.
ئەمڕۆ سێشەممە ٢٤ی پووشپەڕ، دوو زیندانیی سیاسیی کورد بە ناوەکانی "سابیر شێخ عەبدوڵڵا و دیاکۆ ڕەسووڵ زادە" خەڵکی مەهاباد، لە زیندانی ناوەندیی ورمێ ئێعدام کران.
ڕۆژی دووشەممە ٢٣ی پووشپەڕ، دوو زیندانیی سیاسیی کوردی مەحکووم بە ئێعدام بە ناوەکانی "سابیر شێخ ئیسلامی و دیاکۆ ڕەسووڵ زادە" خەڵکی مەهاباد، لە بەندی ١_٢ زیندانی ورمێ بۆ ژووری تاکەکەسی ڕاگوێزران.
ڕۆژی شەممە ٢١ی پووشپەڕ، "عوسمان ڕووستا" ئەندامی شورای چارەسەرکردنی کێشەکانی میراوای شاری سەردەشت، لەلایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار ڕاگوێزراوە.
ڕۆژی یەکشەممە ٢٢ی پووشپەڕ، حوکمی لەسێدارەدانی زیندانییەکی کورد بە ناوی "فەرزاد شوکری" خەڵکی گوندی "کەل داوود" سەر بە شاری سەرپێڵ زەهاو، لە زیندانی دێزڵاوای کرماشان جێبەجێ کرا.
ڕۆژی یەکشەممە ٢٢ی پووشپەڕ، هاووڵاتییەکی کورد بە ناوی "دیاکۆ تارا" کوڕی "ڕەسووڵ" خەڵکی گوندی "کێلەسیپانـ"ـی بەخشی "لاجانـ"ـی پیرانشار، لەلایەن هێزە ئەمنییەتییەکانەوە دەسبەسەر کرا.
ڕۆژی شەممە ٢١ی پووشپەڕ، مێرمنداڵێکی قوربانیی تێزاو بە ناوی "ماهان عەسکەری" تەمەن ١٤ ساڵ خەڵکی شاری شاباد سەر بە پارێزگای کرماشان، پاش دوو ساڵ بەهۆی کاریگەریی برینەکانەوە، گیانی لەدەست دا.
ڕۆژی چوارشەممە ١٨ی پووشپەڕ، هاووڵاتییەکی کورد بە ناوی "سەلام بازرگانی" خەڵکی شاری "پەسوێـ"ـی پیرانشار، بە دانانی بارمتەی ٥٠٠ ملیۆن تمەنی لە زیندانی نەغەدە ئازاد کرا.
ئاژانسی هەواڵدەریی کوردپا
