ڕۆژی چوارشەممە ١ی گەلاوێژ، هاووڵاتییەکی کورد بە ناوی "هادی عەلی پوور" تەمەن ٣٥ ساڵ خەڵکی گوندی "سونەتە"ی ناوچەی تیلەکۆی سەقز لە گوندی "ئێرانشا"، لەلایەن هێزە ئەمنییەتییەکانی حکوومەتەوە دەسبەسەر کرا و بۆ شوێنێکی نادیار ڕاگوێزرا.
باوک و کوڕێک لەسەر بڕیاری دادستانی شاری ئیلام لە کاتی ڕێوڕەسمی شایی لەگەڵ گرووپێکی ژەنیاری، شەوی ڕابردوو دەسبەسەر کران.
ڕۆژی یەکشەممە ٥ی گەلاوێژ، ژمارەیەک لە کۆڵبەرانی کورد لە سنووری بانە، کرانە ئامانجی تەقەی هێزە نیزامییەکانی حکوومەت و لە ئەنجامدا ٥ کۆڵبەر پێکران.
هاووڵاتییەکی کورد بە ناوی "فەریدە ساڵحی" خەڵکی شاری مەریوان، پاش ١٧ ساڵ بە یارمەتیی خێرخوازان، چالاکانی مەدەنی و مافی مرۆیی دژی ئێعدام، لە ئێعدام ڕزگاری بوو و ئازاد کرا.
ڕۆژی دووشەممە ٦ی گەلاوێژ، "هادی محەممەدزادە"، ئەندامی شاخەوانیی "هەڵۆ"ی سەقز، بۆ تێپەڕاندنی ماوەی حوکمەکەی بۆ زیندانی ئەو شارە ڕاگوێزرا.
ڕۆژی دووشەممە ٦ی گەلاوێژ، حوکمی لێدانی ٧٤ زەربە قامچی لە هاووڵاتییەکی کورد بە ناوی "فواد عینایەتی" لەلایەن لقی ١ی بەڕێوەبەریی سزای کەیفەریی شاری سنە جێبەجێ کرا.
سەرلەبەیانیی ئەمڕۆ دووشەممە ٦ی گەلاوێژ، دوو زیندانی بە تاوانی "کوشتن" بە ناوەکانی "عەلی عەبدی" لە بەندی ١_٢ و "ئەمیر حوسێن" تەمەن ٢٤ ساڵ لە بەندی لاوانی زیندانی ورمێ ئێعدام کران.
لە چەند ڕۆژی ڕابردوودا یەکێک لە ئەندامانی گرووپی تەحریرولشام بە ناوی "ئاکۆ نووری" کوڕی "کەریم"، لە ئیدلبی سووریە کوژرا.
ڕۆژی یەکشەممە ٥ی گەلاوێژ، "ڕەشید ناسرزاده" چالاکی ژینگەپارێزی، پاش ناساندنی خۆی بە بەشی جێبەجێکردنی حوکمی دادگای شنۆ، بۆ جێبەجێکردنی حوکمەکەی ڕەوانەی زیندانی ئەو شارە کرا.
ڕۆژی یەکشەممە ٥ی گەلاوێژ، دوو بەندکراوی مەحکووم بە ئێعدام، بۆ بەڕێوەبردنی حوکمەکەیان گواسترانەوە بۆ بەندی تاکەکەسیی بەندیخانەی ناوەندیی ورمێ.
ئاژانسی هەواڵدەریی کوردپا
