لە ماوەی ڕۆژانی ڕابردوودا هاووڵاتییەکی کورد بە ناوی "ڕەحیم ڕەفعەتی" خەڵکی شنۆ، پاش تەواوبوونی ماوەی لێپرسینەوەکەی بە دانانی بارمتە بە شێوەی کاتی لە گرتنگەیەکی ئەمنییەتی لە ورمێ ئازاد کرا.
لە ماوەی ڕۆژانی ڕابردوودا کۆڵبەرێکی کورد بە ناوی "ئەسعەد نۆدشەیی" بە تەقەی هێزە نیزامییەکانی حکوومەت لە سنووری "تەتە"ی هەورامان بریندار کرا.
ڕۆژی چوارشەممە ١٦ی ڕەزبەر، هاووڵاتییەکی کورد بە ناوی "خوسرەو حەسەنی" تەمەن ٣٨ ساڵ خەڵکی گوندی "کۆریەرە" و دانیشتووی شاری مەریوان، بەهۆی تەقینەوەی مین دەستی قرتا.
ڕۆژی چوارشەممە ١٦ی ڕەزبەر، "ڕەشید ناسرزادە" چالاکی ژینگەپارێزیی خەڵکی شنۆ، بە پێبەندی ئەلکترۆنیکی لە زیندانی ئەو شارە ئازاد کرا.
ڕۆژی سێشەممە ١٥ی ڕەزبەر، دوو چالاکی کۆمەڵایەتی بە ناوەکانی "ئەندێشە سەدری و ندا پیرخزرانیان" خەڵکی سنە و دانیشتووی تاران، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
حوکمی قرتاندنی چوار قامکی دەستی ڕاستی دوو برا بە ناوەکانی "مێهرداد و شەهاب تەیمووری" کوڕی "حوسێن" خەڵکی سەرپێڵ زەهاو و دانیشتووی مەلاردی کەرەج، بە تۆمەتی "دزیکردن" لە زیندانی ناوەندیی ورمێ لەلایەن دیوانی باڵای وڵاتەوە پشتڕاست کرایەوە.
ڕۆژی چوارشەممە ١٦ی ڕەزبەر، "عادڵ موکەڕەم" زیندانیی سیاسی لە زیندانی ورمێ، لەسەر بەڵێنیی بەرپرسانی زیندان بۆ پێڕاگەیشتن بە دۆسیەکەی، کۆتایی بە مانگرتنەکەی هێنا.
"شادمان بەنی بەشەر" چالاکی مەدەنی و ئەندامی گرووپی شاخەوانیی "چلچەمە" بۆ جێبەجێکردنی حوکمەکەی دەبێ خۆی بە زیندانی ناوەندیی سنە بناسێنێت.
ڕۆژی پێنجشەممە ١٠ی ڕەزبەر، فەرهاد تاری مورادی، خوێندکاری کارناسی باڵای جواغرافیای سیاسیی زانکۆی پەیام نووری شاری سنە، بۆ تێپەرانەندنی ماوەی زیندانییەکەی ڕەوانەی زیندانی ناوەندیی سنە کرا.
موژگان کاووسی لێکۆڵەر و نووسەری کوردی یارسانی لە گرتووخانەی ئێڤین، لە ئەنجامدانی نەشتەرگەرییەکەی لە نەخۆشخانەی تاڵقانیی تاران پاشگەز بووەوە.
ئاژانسی هەواڵدەریی کوردپا
