ئەمڕۆ شەممە ٢٦ی ڕەزبەر، ٣ کەس لە مامۆستایانی پارێزگای ئیلام بە ناوەکانی "عەبدی"، "سالحی پوور" و "ئەحمەدی" بەهۆی تووشبوون بە نەخۆشیی کۆرۆنا، گیانیان لەدەست دا.
ڕۆژی هەینی ٢٥ی ڕەزبەر، کرێکارێکی کورد بە ناوی "عوسمان عەبدوڵڵازادە" خەڵکی سەقز، لە کاتی کارکردندا تووشی ڕووداوی کار بوو.
ڕۆژی پێنجشەممە ٢٤ی ڕەزبەر، چالاکێکی سوننی مەزهەب بە ناوی "عەزیز حەیدەرپوور" تەمەن ٣٧ ساڵ و خەڵکی گوندی "کەڕێز" سەر بە بەشی ئەنزەل و دانیشتووی ورمێ، پاش تەواوبوونی ماوەی لێپرسینەوەکەی بۆ زیندانی ناوەندیی ئەو شارە ڕاگوێزرا.
ڕۆژی چوارشەممە ٢٣ی ڕەزبەر، سپای پاسداران بە بیانووی دروستکردنی ڕێگا و بان، دەستیان بە تێکدانی خانووبەرە و باغاتی دانیشتوانی گوندی "شێخ‌عەتار" لە جادەی سنە و مەریوان کردووە.
تەقەی هێزە نیزامییەکان لە ماشینێکی پێژۆ لە گەڕەکی دەوڵەت‌ئاوای کرماشان، کوژران و برینداربوونی دوو هاووڵاتیی یارسانیی لێکەوتەوە.
ڕۆژی پێنجشەممە ٢٤ی ڕەزبەر، هاووڵاتییەکی کورد بە ناوی "مادیح فەتحی" کوڕی محەممەد خەڵکی شاری سنە، پاش تەواوبوونی ماوەی لێپرسینەوەکەی بە دانانی بارمتە، بە شێوەی کاتی هەتا کاتی دادگاییەکی لە گرتنگه ئازاد کرا.
بەهمەن قوبادی، سینەماکاری ناسراوی کورد بە بڵاوکردنەوەی پۆستێک لە لاپەڕەی ئینیستاگرامی خۆیدا بەنیسبەت حوکمی داسەپاوی ئێعدامی شاکر بێهرووزی، زیندانیی سیاسیی کورد مەحکووم بە ئێعدام، لە گرتووخانەی ورمێ، ناڕەزایەتی دەربڕی.
ڕۆژی شەممە ١٩ی ڕەزبەر، هاووڵاتییەکی کورد بە ناوی "عوسمان خوداکەرەمی" کوڕی کەریم خەڵکی گوندی "وەتەمیشـ"ـی شاری بۆکان، لەلایەن هێزە ئەمنییەتییەکانەوە دەسبەسەر کرا.
لە ئەنجامی ڕادوونانی هێزە نیزامییەکان حکوومەتی ئێران، کاسبکارێکی سەقزی بە ناوی "هیوا وەکیلی" کوڕی کەریم، گیانی لەدەست دا.
دوو کتێبی چیرۆکە شێعر بە ناوەکانی "کۆتری ئاشتی و چیرۆکی کەوشدووری دلۆڤان"، لەلایەن نووسەرێکی سنەیی بە ناوی "فەرید ڕاژین" چاپ و بڵاو کرایەوە.
ئاژانسی هەواڵدەریی کوردپا
