ڕۆژی چوارشەممە ٢٦ی خەرمانان، دوو هاووڵاتیی کورد بە ناوەکانی "سالار و سامان غەزالی" خەڵکی گوندی "بەیرەمـ"ـی بەخشی خەلیفانی شاری مەهاباد، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزراون.
حوکمی ٦ ساڵ زیندانیی چالاکێکی ژینگەپارێزیی کورد بە ناوی "سابیر قادری" خەڵکی دێولان، لە لقی ٤ی دادگای پێداچوونەوەی شاری سنە، بۆ سێ ساڵ زیندان کەم کرایەوە.
ڕۆژی شەممە ٥ی ڕەزبەر، کرێکارێکی بۆکان، بە ناوی "ڕەسووڵ سوڵتانی" کوڕی مستەفا، لە کاتی کارکردن لە یەکێک لە گوندەکانی شاری میاندوئاو، گیانی لە دەس دا.
هوشمەند عەلیپوور، زیندانیی سیاسیی کورد لە زیندانی ناوەندیی شاری سنە، پاش هەڵوشاندنەوەی حوکمی ئێعدامی لە دیوانی باڵای وڵات، دووبارە دادگایی کرایەوە و بە ٣٨ مانگ زیندانی مەحکووم کرا.
ڕۆژی چوارشەممە ٢ی ڕەزبەر، موژگان کاووسی، نووسەر و لێکۆڵەری کوردی یارسانی لە گرتووخانەی ئێڤین، پاش ڕەوانەکردنی بۆ نەخۆشخانەی "تاڵقانیـ"ـی تاران، بۆ پشکنینی پزیشکی لە سەر داوای دوکتورەکان، کۆتایی بە مانگرتنەکەی خۆی هێنا.
ڕۆژی پێنجشەممە ٣ی رەزبەر، "فەرشاد جەهش" چالاکی سوننی مەزهەب بە دانانی بارمتە هەتا کاتی دادگاییەکەی بە شێوەی کاتی لە زیندانی ورمێ ئازاد کرا.
چارەنووسی سێ چالاکی سوننی مەزهەب بە ناوەکانی "ئەمیر زکالاب، پێشنوێژی هەینی گوندی ئەرمەنی بڵاغی بۆکان، عەبدولعەزیز حەیدەرپوور خەڵکی گوندی کەرێزەی ناوچەی ئەنزەلی ورمێ و حامید عەلی مشکوێ خەڵکی ورمێ"، ناڕوونە.
نەبوونی کەرەستەی پزیشکی و پێداویستیەکانی پێشگری لە ڤایرۆسی کۆرۆنا و پرتووکاویی پێداویستییەکان لە نەخۆشخانەکانی مەریوان ماندوویەتی و ناڕەزایەتیی کادری دەرمانی، پزیشک و پەرستارەکانی لێکەوتووتەوە.
شورای باڵای تەناهی نەتەوەیی ئێران بڕیاری چۆڵکردنی گوندەکانی "نوکان" ، "هەرزنه"، "گاکی"، "گوره شێر"، "بەردان" و "تێتێ خوارێـ"ـی شاری سەردەشتی دەرکردووە.
کرێکارانی شارەداریی کرماشان ماوەی سێ مانگە پارەیان وەرنەگرتووە.
ئاژانسی هەواڵدەریی کوردپا
