خاوەن دووکانێک لە یەکێک لە پاساژەکانی کرماشان کە لە ژنان وەکوو مانکەنی زیندوو کەڵکی وەرگرتبوو، لە سەر بڕیاری دادستانیی ئەو شارە ئەو خاوەن دووکانە دەسبەسەر و دووکانەکەی پۆلۆمپ کرا.
ڕۆژی هەینی ١٤ی سەرماوەز، ئایدین ئیمانی، کۆرپەلەی تەمەن دوو مانگەی ئابدانانی سەر بە پارێزگای ئیلام، پاش ڕۆژێک ڕەوانەکردنی بۆ نەخۆشخانەی ئەبووزەری ئەهواز، گیانی لەدەست دا.
لەماوەی ڕۆژانی ڕابردوو، هاووڵاتییەکی کورد بە ناوی "خیرەت پەروازه" تەمەن ٣٠ ساڵ کوڕی ڕەحمان خەڵکی گوندی "نێـ"ـی مەریوان لەلایەن دادگای ئینقلابی ئەو شارەوە بە ٦ مانگ زیندان مەحکووم کراوە.
هەڵەی کادرە دەرمانییەکانی نەخۆشخانەی شاری ئیلام، لە دیاریکردنی مان و نەمانی کۆرپەلەیەک، بوو بەهۆی ئەوەیکە "گواهی فوت" بۆ ئەو کۆرپەلەیە دەر بکەن.
ڕۆژی پێنجشەممە ١٣ی سەرماوەز، هاووڵاتییەکی کورد بە ناوی "عەلی جۆڵا" خەڵکی گوندی "شیناوێ"ـی پیرانشار، پاش تەواوبوونی ماوەی لێپرسینەوەکەی، بە دانانی بارمتە ئازاد کرا.
دوو هاووڵاتیی کورد بە ناوەکانی "واحید عەباس‌زادە و ڕەحمان ڕەسووڵی" خەڵکی شاری بانە، هەر لە گرتنگەی هێزە ئەمنییەتییەکانی حکوومەتی دان.
ڕۆژی یەکشەممە ٩ی سەرماوەز، هاووڵاتییەکی کورد بە ناوی "وەلی قەڵوەزی" خەڵکی شاری سنە، لەلایەن هێزە ئەمنییەتییەکانەوە دەسبەسەر کرا و بۆ گرتنگەی ئیدارەی ئیتلاعاتی ئەو شارە ڕاگوێزرا.
پەیوەندییە گشتییەکانی قەرارگای "سەیدولشوهەدا"ی هێزە زەویینەکانی سپای پاسداران، باسی لە دەسبەسەرکردنی سێ هاووڵاتی بە بیانووی ئەندامبوون لە حیزبەکانی دژبەری حکوومەتی ئێران لە پارێزگای ورمێ، کردووە.
چارەنووسی ئانیسا جەعفەری‌مێهر، چالاکی فەرهەنگیی کورد خەڵکی شاری شاباد سەر بە پارێزگای کرماشان، پاش ١٠ ڕۆژ لە دەسبەسەرکردنی، ناڕوونە.
بارودۆخی تەندروستیی ئایهان خودایی، کۆڵبەری خەڵکی گوندی "کورانـ"ـی ناوچەی سۆما و برادۆست، کە ڕۆژی یەکشەممە ٩ی سەرماوەز، بە تەقەی ڕاستەوخۆی هێزە نیزامییەکانی حکوومەتی پێکرابوو، پاش نەشتەرگەریی نالەبارە.
ئاژانسی هەواڵدەریی کوردپا
