ڕۆژی سێشەممە ٥ی ڕەشەمە، هاووڵاتییەکی کورد بە ناوی "کاروان مینوویی"، خەڵکی شاری مەریوان، بە دانانی بارمتە بە شێوەی کاتی هەتا کۆتایی قۆناغەکانی دادڕەسییەکەی لە گرتنگە ئازاد کرا.
ڕۆژی سێشەممە ٥ی ڕەشەمە، هاووڵاتییەکی کورد بە ناوی "بێهزاد ئەدوایی"، خەڵکی گوندی "سلێن" سەر بە شاری سەوڵاوا، لەلایەن هێزە ئەمنییەتییەکانەوە دەسبەسەر کرا.
ڕۆژی سێشەممە ٥ی ڕەشەمە، چالاکێکی ژینگەیی کورد بە ناوی "دانا سەمەدی"، خەڵکی مەریوان، بە دانانی بارمتە لە یەکێک لە گرتنگە ئەمنییەتییەکانی سنە ئازاد کرا.
ڕۆژی سێشەممە ٥ی ڕەشەمە، "مستەفا باقری ئاشنا" دوایی تەواوبوونی ماوەی زیندانیبوونەکەی لە زیندانی کرماشان ئازاد کرا.
لە ماوەی ڕۆژانی ڕابردوودا، هاووڵاتییەکی کورد بە ناوی "ئەفشین ئیلاهی"، خەڵکی شاری سەقز، بە دانانی بارمتە لە گرتنگەی ئیدارەی ئیتلاعاتی سنە ئازاد کراوە.
ڕۆژی سێشەممە ٥ی ڕەشەمە، جەوانمیر مورادی، چالاکی کرێکاری، بانگهێشتی لقی ١ی دادگای ئینقلابی کرماشان کرا.
ڕۆژی دووشەممە ٤ی ڕەشەمە، هاووڵاتییەکی کورد بە ناوی "شوان پشتوار"، کوڕی عەبدولڕەحمان، تەمەن ۳۹ ساڵ و خەڵکی شاری نەغەدە، بە دانانی بارمتەی ٥۰۰ ملیۆن تمەنی، بە شێوەی کاتی هەتا کۆتایی قۆناغی دادڕەسییەکەی لە زیندانی ورمێ ئازاد کرا.
ڕۆژی دووشەممە ٤ی ڕەشەمە، هاووڵاتییەکی کورد بە ناوی "سالار ڕەهەوی"، خەڵکی مەهاباد بە دانانی بارمتە، لە یەکێک لە گرتنگە ئەمنییەتییەکانی ئەو شارە، ئازاد کرا.
ئەمڕۆ دووشەممە ٤ی ڕەشەمە، عەلی ئەحمەد سلێمان، خەڵکی کوردستانی عێراق، پاش تێپەڕینی ١٥ ساڵ زیندان، لە زیندانی ناوەندیی ورمێ ئازاد کرا.
ڕێکخراوی مافی مرۆڤی ئێران ڕایگەیاندووە، ڕۆژی دووشەممە ٦ی ڕێبەندان، حوکمی لەسێدارەدانی دوو زیندانیی تۆمەتبار بە "قەتڵ"، بە ناوەکانی "هووشەنگ محەممەدی"، کوڕی نەزەرعەلی و "عەلی ئەنگەزی"، کوڕی میرزاجان، لە زیندانی کرماشان جێبەجێ کراوە.
ئاژانسی هەواڵدەریی کوردپا
