ڕۆژی شەممە ١٨ی ڕێبەندان، "ئارەزوو مستەفایی"، ناسراو بە "هەنسک"، شاعیر و چیرۆکنووس، خەڵکی شاری مەریوان، پاش وەرگرتنی بەڵێننامە لە ئیدارەی ئیتلاعاتی ئەو شارە ئازاد کرا.
ڕۆژی شەممە ١٨ی ڕیبەندان، پێنج هاووڵاتیی کورد بە ناوەکانی "ڕەسووڵ لاوازە، شۆڕش ئەحمەدی، کەریم مووساخەلیفانی، سەلام مووساخەلیفانی و حیسامەدین خزرزادە"، خەڵکی پیرانشار، بە دانانی بارمتە لە زیندانی نەغەدە ئازاد کران.
پەنگخواردنەوەی گازی کەربۆن لە ژووری خانوویەکدا، لە شاری سەرئاوڵەی پارێزگای ئیلام، بوو بەهۆی گیانلەدەستدانی دوو برا.
ڕۆژی شەممە ۱۱ی ڕێبەندان، دوو هاووڵاتیی کورد بە ناوەکانی "عومەر خاگزاد" و "عەباس سدیقی"، خەڵکی گوندی "شێلم جاڕان" سەر بە پیرانشار، بۆ جێبەجێکردنی حوکمەکەیان ڕەوانەی زیندانی نەغەدە کران.
کاتژمێر ٣ی سەرلەبەیانیی ڕۆژی چوارشەممە، ١٥ی ڕێبەندان، ژنێکی لاو بە ناوی "عشرەت نیکخوویی"، کچی جەمشید، تەمەن ٢٨ ساڵ و خەڵکی گوندی "گەنگەچین" سەر بە ناوچەی سۆما و برادۆستی ورمێ، لەژێر ناوی "نامووسی"، لەلایەن ئامۆزاکانییەوە بە بێنزین ئاگری…
ڕۆژی چوارشەممە ١٥ی ڕێبەندان،هاووڵاتییەکی کورد بە ناوی "جەمیل ئەحمەدی"، خەڵکی سنە، پاش کۆتایی لێپرسینەوەکەی، بە دانانی بارمتە لە یەکێک لە گرتنگە ئەمنییەتییەکانی ئەو شارە ئازاد کرا.
هاووڵاتییەکی کورد بە ناوی "شەپۆل خزری"، کوڕی حوسێن و خەڵکی مەهاباد، پاش ۲۷ ڕۆژ لە دەسبەسەرکرانی، چارەنووسی ناڕوونە و ناوبراو لە ماوەی دەسبەسەرکرانیدا لە "دەستپێڕاگەیشتن بە پارێزەر و چاوپێکەوتن لەگەڵ بنەماڵەکەی" بێبەرێ کراوە.
ئەمڕۆ هەینی ١٧ی ڕێبەندان، "سیروان ڕەحیمی"، چالاکی مەدەنیی خەڵکی دێولان، پاش کۆتایی مەرەخەسییەکەی گەڕایەوە بۆ زیندانی سنە.
ڕۆژی یەکشەممە ١٢ی ڕێبەندان، مامۆستایەکی کورد بە ناوی "سیاوەش عەینی"، خەڵکی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزراوە.
لە ڕێکەوتی ١٧ی بەفرانبار هەتا ١٥ی ڕێبەندان، شەپۆلێک لە دەسبەسەرکردن و بانگهێشتکردنی هاووڵاتییانی کورد لە شارەکانی مەهاباد، مەریوان، ڕەبەت، سنە، بۆکان، سەوڵاوا، نەغەدە، پیرانشار، سەقز، کرماشان، شنۆ، جوانڕۆ، پاوە، کامیاران، بانە و تاران…
ئاژانسی هەواڵدەریی کوردپا
