ڕۆژی چوارشەممە ٥ی جۆزەردان، کۆڵبەرێکی کورد بە ناوی "قوباد ڕەحمانی" تەمەن ٢٨ ساڵ و خەڵکی سەرپێڵی زەهاو، لە ئەنجامی تەقەی ڕاستەوخۆی هێزە نیزامییەکانی حکوومەتی لە سنووری ئەو شارەوە گیانی لەدەست داوە.
ڕۆژی پێنجشەممە ٦ی جۆزەردان، هاووڵاتییەکی کورد بە ناوی "عەلی بەزازی"، کوڕی ئیسماعیل و خەڵکی گوندی "زێوە" سەر بە پیرانشار، بە دانانی بارمتە لە یەکێک لە گرتنگە ئەمنییەتییەکان لە ورمێ، ئازاد کرا.
ڕۆژی پێنجشەممە ٦ی جۆزەردان، لقی ١ی دادگای ئینقلابی سەقز حوکمی سەرەتایی بەسەر عوسمان ئیسماعیلی و مەحموود ساڵحی، دوو چالاکی کرێکاریی ئەو شارە سەپاندووە.
ئەمڕۆ پێنجشەممە ٦ی جۆزەردان، قانێع خاتری، چالاکی مەدەنیی خەڵکی سنە، بە دانانی بارمتە لە یەکێک لە گرتنگە ئەمنییەتییەکانی ئەو شارە ئازاد کرا.
ڕۆژی چوارشەممە ٥ی جۆزەردان، هاووڵاتییەکی کورد بە ناوی "کەماڵ عەزیزی"، تەمەن ٢٧ ساڵ، کوڕی بارام و خەڵکی گوندی "شیان" سەر بە سنە، پاش بانگهێشتکردنی بۆ ئیدارەی ئیتلاعاتی ئەو شارە، دەسبەسەر کرا.
ڕۆژی چوارشەممە ٥ی جۆزەردان، دوو هاووڵاتیی کورد بە ناوەکانی "سەفەر و پەرویز نووری"، خەڵکی گوندی "ئەنبێ" سەر بە ناوچەی تەرگەوەڕی ورمێ، بە کۆتایی ماوەی زیندانییەکەیان لە زیندانی ناوەندیی ورمێ ئازاد کران.
شەوی سێشەممە ٤ی جۆزەردان، موژگان کاووسی، نووسەر و لێکۆڵەری کوردی بەندکراو لە بەندی ژنانی زیندانی ئێڤین، پاش ١٠ ڕۆژ مانگرتن، کۆتایی بە مانگرتنەکەی هێناوە.
بەرپرسی ڕێکخراوی ئاگرکوژێنەوە و خەدەماتی ئیمێنیی شارەداریی کرماشان، باسی لە برینداربوونی دوو پێرسۆنێلی ئەو ناوەندە، لە کاتی کۆنترڕۆڵکردنی ئاگرگرتنی ١٤ هێکتار مووچە و مەزرای ناوچەی نەوشیروانی سەرپێڵی زەهاوی کردووە.
مامۆستا "حەسەن ئەمینی"، کەسایەتیی ئایینیی کوردستان، لە بەیاننامەیەکدا، لە وڵامی هێندێک پرسیاردا لەهەمبەر بەشداریکردنی لە هەڵبژادنی سەرکۆماریدا، ڕایگەیاند: "من لە هەڵبژاردنی سەرکۆماری بەشداری ناکەم و هۆکارەکەشی ڕوون و ئاشکرایە و ئەوەش ئەوەیە…
حوکمی ١ ساڵ زیندانیی تەعزیریی "جەوانمیر مورادی"، چالاکی کرێکاریی خەڵکی کرماشان لە دادگای پێداچوونەوەئ ئەو شارە، بۆ سزای نەختی گۆڕدرا.
ئاژانسی هەواڵدەریی کوردپا
