لە درێژەی دەسبەسەرکردنی هاووڵاتییان لە مەهاباد، ئێوارەی ڕۆژی یەکشەممە ١٠ی گەلاوێژ، هاووڵاتییەکی دیکەی کورد بە ناوی "کاوە سلێمان‌پوور"، خەڵکی گوندی "خوڕخوڕە"، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کراوە.
ڕۆژی یەکشەممە ١٠ی گەلاوێژ، پارێزەرێک بە ناوی "جەواد عەلی‌کوردی" پارێزەری دادگوستەری و ئەندامی پێشووی شۆرای شاری سەبزەوار، بۆ تێپەڕاندنی ماوەی حوکمەکەی، لەلایەن هێزە ئەمنییەتییەکانەوە دەسبەسەر و ڕەوانەی زیندانی وەکیلاوای شاری مەشهەد کرا.
بەیانیی ئەمڕۆ یەکشەممە ١٠ی گەلاوێژ، سێ زیندانی بە ناوەکانی "سێپێهر عەبباس‌نژاد"، "ئەسکەندەر زارع" و"حەمزە ڕەزایی"، لە خەوتنگەی ٤ی زیندانی ناوەندیی ورمێ، بۆ جێبەجێکردنی حوکمی لەسێدارەدانیان ڕەوانەی ژووری تاکەکەسی کران.
ئەمڕۆ یەکشەممە ١٠ی گەلاوێژ، دوو هاووڵاتیی دیکە بە ناوەکانی "ڕزگار عەینالوو"، کوڕی ئەمیر و "ئەحەد سۆنە"، کوڕی ڕەحیم و خەڵکی گوندی "ئیندرقاش" سەر بە بەخشی ناوەندیی مەهاباد، لەلایەن هێزە ئەمنییەتییەکانەوە دەسبەسەر کران.
ئەمڕۆ یەکشەممە ١٠ی گەلاوێژ، هاووڵاتییەکی کورد بە ناوی "هێمن قەرەداغی"، کوڕی حوسێن و خەڵکی گوندی "ئیندرقاش" سەر بە بەخشی ناوەندیی شاری مەهاباد، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کراوە.
ڕۆژی چوارشەممە ٦ی گەلاوێژ، هاووڵاتییەکی کورد بە ناوی "هاشم خوران"، خەڵکی گوندی "ئاڵیان" سەر بە ناوچەی "دەشتەبێڵـ"ـی شنۆ، بە دانانی بارمتە لە زیندانی ئەو شارەدا ئازاد کرا.
لقی ٢٨ی دادگای پێداچوونەوەی مازەندەران، حوکمی ڕاگواستنی موژگان کاووسی، نووسەر و لێکۆڵەری کوردی بۆ یەکێک لە زیندانەکانی پارێزگای ئەلبۆرز و نزیکترین زیندان بە شوێنی نیشتەجێبوونی ناوبراو دەر کردووە.
ئەمڕۆ شەممە ٩ی گەلاوێژ، ئیرەج سۆفی محەممەد، زیندانیی مەزهەبیی بەندکراو لە زیندانی ورمێ لە ناڕەزایەتی دربڕین لەمەڕ دژایەتیکردنی بەرپرسان لەگەڵ ڕاگواستنی ناوبراو بۆ زیندانی مەهاباد دەستی داوەتە مانگرتن.
لقی ١ی دادگای ئینقلابی ورمێ، چالاکێکی مەزهەبیی کورد بە ناوی "جەعفەر ئوسافی" کوڕی ئەحمەد، تەمەن ٣١ ساڵ و خەڵکی بۆکانی بە ٧ ساڵ و ٦ مانگ زیندان مەحکووم کرد.
لە ماوەی ڕۆژانی ڕابردوودا، سێ هاووڵاتی بە ناوەکانی " ئەرکان بەهرامی"، "خەلیلی ڕەمەزانی" و "خالید میرزایی"، خەڵکی شاری سەلاسی باوەجانی لەلایەن هێزە ئەمنییەتییەکانەوە دەسبەسەر کران.
ئاژانسی هەواڵدەریی کوردپا
