شەوی یەکشەممە ١٧ی گەلاوێژ، کۆڵبەرێکی کورد بە ناوی "ئومید خزری" کوڕی "عومەر"، تەمەن ٤٧ ساڵ و خەڵکی مەهاباد و دانیشتووی ڕەبەتی سەردەشت، بە تەقەی هێزە نیزامییەکانی حکوومەت لە سنووری بانە گیانی لەدەست دا.
ڕۆژی دووشەممە ١٨ی گەلاوێژ، زیندانییەک بە ناوی "ئەفشار مینایی" کوڕی "محەممەد" و خەڵکی گوندی "شمشێر" سەر بە شاری پاوە، لە زیندانی دیزڵاوای کرماشان لەسێدارە درا.
ڕۆژی دووشەممە ١٨ی گەلاوێژ، هاووڵاتییەکی کورد بە ناوی "ڕەشید ڕەحیمی" خەڵکی بۆکان، لەلایەن هێزە ئەمنییەتییەکانی حکوومەتەوە دەسبەسەر کرا.
پاش ڕووداوی کوژرانی هاووڵاتییەک بە ناوی "فەردین ئیبراهیمی" خەڵکی شاری شنۆ لە شاری نەغەدە و ناڕەزایەتیی هاووڵاتییانی شاری نەغەدە لەمەڕ ئەو ڕووداوە و چوونە بەردەرگای کەلانتەریی ئەو شارە، بە تەقەی هێزە نیزامییەکانی حکوومەتی، نزیکەی ٣٠ هاووڵاتی…
ڕۆژی یەکشەممە ١٧ی گەلاوێژ، زیندانییەکی مەزهەبیی کورد بە ناوی "تۆفیق عەبدوڵڵاهی"، کوڕی حوسێن، خەڵکی مەهاباد و بەندکراو لە زیندانی ناوەندیی ورمێ، بۆ ماوەی ٥ ڕۆژ هاتووەتە مەرەخەسی.
ڕۆژی یەکشەممە ١٧ی گەلاوێژ، هادی تەنوومەند، چالاکی کرێکاری لە زیندانی بۆکان ئازاد کرا.
ڕۆژی سێشەممە ٧ی بانەمەڕ، ڕاشد مونتەزێری، زیندانیی سیاسیی کوردی خەڵکی کامیاران، بۆ جێبەجێکردنی حوکمەکەی ڕەوانەی زیندانی ئەو شارەوە کراوە.
ناهید کەمانگەر، هاووڵاتییەکی خەڵکی کامیاران پاش تێپەڕبوونی زیاتر لە ١ مانگ لە دەسبەسەرکرانی، هەروا لە گرتنگەدایە و چارەنووسی لە کانوونی ئیسلاح و تەبییەتی سنە ناڕوونە.
ڕۆژی شەممە ١٦ی گەلاوێژ، هاووڵاتییەکی کورد بە ناوی "ئاوات محەممەدپوور"، کوڕی بایەزید و خەڵکی شنۆ، بۆ جێبەجێکردنی حوکمەکەی ڕەوانەی زیندانی ئەو شارە کرا.
ڕۆژی شەممە ١٦ی گەلاوێژ، چالاکێکی مەزهەبی بە ناوی "جەعفەر ئۆسافی"، تەمەن ٣١ ساڵ، کوڕی ئەحمەد و خەڵکی بۆکان، بە دانانی بارمتە لە زیندانی ورمێ ئازاد کرا.
ئاژانسی هەواڵدەریی کوردپا
