ڕۆژی دووشەممە ٨ی سەرماوەز، هاووڵاتییەکی کورد بە ناوی "قاسم عەزیزییان" کوڕی "ڕەسووڵ"، تەمەن ٢٨ ساڵ و خەڵکی گوندی "لەج" سەر بە مەهاباد، بۆ جێبەجێکردنی حوکمەکەی ڕەوانەی زیندانی ئەو شارە کرا.
دەسرێژییە ڕاستەوخۆکان و ئاگادارنەکردنەوەی پێشووی کۆڵبەران لەلایەن هێزە نیزامییەکانی حکوومەتییەوە، سێ کۆڵبەری دیکەی بانەیی کردە قوربانی.
ڕووماڵکردنی هەواڵی کوژران و برینداربوونی کۆڵبەران لەلایەن پەیجەکانی شاری بانە، لە ماوەی کەمتر لە یەک مانگدا بۆ دووەمین جار، بانگهێشتکردن و لێپرسینەوەی بەرپرسانی چەند پەیج و کاناڵی تێلێگرامیی لێ کەوتەوە.
شەوی سێشەممە ٩ی سەرماوەز، کۆڵبەرێکی کورد بە ناوی "فەرەیدوون محەممەدی" کوڕی "حوسێن"، تەمەن ٣٣ ساڵ و خەڵکی گوندی "گوێزڵێ" سەر بە بانە، لە ئەنجامی تەقەی ڕاستەوخۆی هێزە نیزامییەکانی حکوومەتی ئێران بریندار کرا.
ڕۆژی سێشەممە ٩ی سەرماوەز، هاووڵاتییەکی کورد بە شوناسی "م.خ" تەمەن ٤٠ ساڵ، کوڕی "ع.خ" و خەڵکی بۆکان، کۆتایی بە ژیانی خۆی هێنا.
دوو وەرزشوانی پەناخوازی کوردستانی ڕۆژهەڵات بە ناوەکانی "عەباس زەندی" و "کوردستان زەندی" لە کێبڕکێی جیهانیی "کۆنگفۆتووا"ی وڵاتی بولغارستان، توانییان دوو میداڵی "زێڕ" بۆ خۆیان مسۆگەر بکەن.
حوکمی ٤٠ ساڵ زیندان لە تەبعیدی (دوور لە شوێنی لەدایکبوون) سەید "محەممەد حوسێنی"، زیندانیی سیاسیی کوردی خەڵکی نەغەدە، لەلایەن دیوانی باڵای وڵاتەوە هەڵوەشایەوە.
ڕۆژی دووشەممە ٨ی سەرماوەز، کرێکارێکی کورد بە ناوی "بەهمەن محەممەد کەریمی"، تەمەن ٣١ ساڵ و خەڵکی مەهاباد، بەهۆی بەربوونەوە لە کاتی کارکردن گیانی لەدەست دا.
شەوی یەکشەممە ٧ی سەرماوەز، کۆڵبەرێکی کورد بە ناوی سەید "عێزەدین بایەزیدی" کوڕی "سەید حوسێن" و خەڵکی گوندی "باوەلە" سەر بە پیرانشار، لە ئەنجامی تەقەی هێزە نیزامییەکانی حکوومەتی ئێران بریندار کرا.
کرێکارانی شارەداریی قوروە سەر بە پارێزگای سنە، ماوەی ٥ مانگە پارەیان وەرنەگرتووە و ڕۆژی ڕابردوو، لە بەردەم بینای شارەدایی ئەو شارە کۆبوونەوەیەکی ناڕەزایەتییان بەڕێوە برد.
ئاژانسی هەواڵدەریی کوردپا
