ڕێکخراوەی مەدەنیی کافە کتێبی ئەندێشە بە بڵاوکردنەوەی بەیانییەک ڕاگەیاند کە دەزگا ئەمنییەکان بە شێوەیەکی نایاسایی، ستەمکارانە و بەر لە بڕیاری دادگا، بڕیاری داخستنی یێکجاریی کافە کتێبی ئەندێشەی پیرانشاریان دەرکرد.
ڕۆژی پێنجشەممە ٢٥ی سەرماوەز، سێ هاووڵاتیی کورد بە ناوەکانی "محەممەد ئەحمەدی"، "ئیدریس بەهرامیان" و "فەرید درەخشانی" خەڵکی گوندی "نێـ"ـی مەریوان، بە دانانی بارمتە لە زیندانی ئەو شارە ئازاد کران.
ڕۆژی پێنجشەممە ٢٥ی سەرماوەز، هاووڵاتییەکی کورد بە ناوی "عەلی زولفی" کوڕی "حەمزە"، خەڵکی شاری بۆکان، لە زیندانی ئەو شارە ئازاد کرا.
ڕۆژی پێنجشەممە ٢٥ی سەرماوەز، "ئەحمەد تەموویی" زیندانیی سیاسیی کوردی خەڵکی "سەڵماس" لە ١٥هەمین ساڵی تێپەڕکردنی مەحکوومییەتی خۆی لە زیندانی ناوەندیی ورمێ ئازاد کرا.
ڕۆژی چوارشەممە ٢٤ی سەرماوەز، "حەبیبوڵڵا لەتیفی" زیندانیی سایسیی کوردی مەحکووم بە زیندانیی هەتاهەتایی، پاش ١٤ ساڵ زیندان بە دانانی بارمتە لە زیندانی سنە بۆ چارەسەرکردنی پزیشکی مەرەخەسیی پێ درا.
ڕۆژی سێشەممە ٢٣ی سەرماوەز، هاووڵاتییەکی کورد بە ناوی "زانا کەسرایی" کوڕی "هیوا"، تەمەن ۲٨ ساڵ و خەڵکی گوندی "نێـ"ـی مەریوان بۆ جێبەجێکردنی حوکمەکەی ڕەوانەی زیندانی ئەو شارە کرا.
ڕۆژی سێشەممە ٢٣ی سەرماوەز، لقی ١ی دادگای ئینقلابی مەهاباد بە سەرۆکایەتیی دادوەر "غوڵامی" لەگەڵ ئازادیی کاتیی سەید "محەممەد حوسێنی" زیندانیی سیاسیی کوردی خەڵکی نەغەدە، بە دانانی بارمتە هەتا کاتی دادگاییەکەی دژایەتیی کرد.
ڕێکخراوەی ژینگەپارێزانی پیرانشار بە بڵاوکردنەوەی پەیامێک داخرانی ناوەندی "کافە کتێبی ئەندێشە" و بەکارهێنانی توندوتیژی بەرانبەر بە هەڵسووڕاوانی ئەم ناوەندە، بەتوندی شەرمەزار و مەحکووم کرد.
لە درێژەی بانگهێشتکردن و لێپرسینەوەی چالاکان و هاووڵاتییان لە شارەکانی کوردستان، چالاکێکی مەدەنیی خەڵکی شاری سەقز لەلایەن ئیدارەی ئیتلاعاتی ئەو شارەوە بانگهێشت کراوە و هەڕەشەی زیندانیکردنیان لێ کردووە.
لە چارەنووسی چالاکێکی ژینگەیی بە ناوی "نەوید کۆنەپۆشی"، خەڵکی مەریوان کە ڕێکەوتی ٩ی خەزەڵوەری ئەمساڵ لەلایەن هێزە ئەمنییەتییەکانەوە دەسبەسەر کرا، زانیارییەکی ورد لەبەر دەستدا نییە.
ئاژانسی هەواڵدەریی کوردپا
