ڕۆژی دووشەممە ٢٠ی بەفرانبار کاتژمێر ٧ی بەیانی، هێزەکانی گاردی تایبەت هێرشیان کردە سەر بەندی زیندانییانی سیاسی و بە بەکاربردنی توندوتیژی ئەو زیندانییانەیان بۆ بەندی سەرووئەمنییەتی ڕاگواست.
هەواڵدەریی مافی مرۆیی "هێرانا" ڕایگەیاند: "دوو زیندانیی سیاسی بە ناوەکانی ئیبراهیم و سالار سدیق هەمەدانی کە باوک و کوڕن، بۆ زیندانەکانی کامێران و مەریوان ڕاگوێزراون".
ئەمڕۆ دووشەممە ٢٠ی بەفرانبار، یەک ساڵ لە ناڕوونیی چارەنووسی فەرزاد سامانی و ساکار عەینی لە دەسبەسەرکراوانی بەفرانباری ٩٩، لە زیندانی ناوەندیی ورمێ تێپەڕی.
ڕۆژی یەکشەممە ١٩ی بەفرانبار، هاووڵاتییەکی کورد بە ناوی "پەیام منبەری"، تەمەن ٣٣ ساڵ و خەڵکی گوندی "نییەر" سەر بە سنە، دیسانەوە لەلایەن هێزە ئەمنییەتییەکانەوە دەسبەسەر کرا.
ڕۆژی یەکشەممە ١٩ی بەفرانبار، هاوڵاتییەکی کورد بە ناوی "شێرکۆ منبەری"، خەڵکی گوندی "نییەر" سەر بە سنە، پاش بانگهێشتکردنی بۆ ئیدارەی ئیتلاعاتی ئەو شارە دەسبەسەر کرا.
ئیدارەی تۆمارکردنی باری کەسیی کامێران بە دەرکردنی گەواهیی فەوت بۆ "حەیدەر قوربانی"، زیندانیی سیاسیی کوردی لەسێدارەدراو لە زیندانی سنە، لە وتنی ڕاستیی هۆکاری گیانلەدەستدانی ناوبراو خۆی بوارد.
ڕۆژی چوارشەممە ١٥ی بەفرانبار، "سەلاح شەریفزادە" زیندانیی سیاسیی کورد و خەڵکی شاری بۆکان، لە زیندانی خەڵخاڵ هاتە مەرەخەسی.
ڕۆژی یەکشەممە ١٩ی بەفرانبار، مێرمنداڵێک بە ناوی "محەممەد غەفاری"، کوڕی "شارام" و تەمەن ١٦ ساڵ لە بەندی ورمێ بە چەکی ڕاو کۆتایی بە ژیانی خۆی هێنا.
لە دوو شاری سنووری پارێزگای ئیلام، لە سەرەتای ئەمساڵدا، ٢٥ کەس بەهۆی تەقینەوەی مین، کەرەستە تەقەمەنییەکان و پاشماوەی تەقەمەنییە کۆنەکراوەکان، کوژران و بریندار بوون.
ڕۆژی شەممە ١٨ی بەفرانبار، کۆڵبەرێک بە ناوی "عوسمان محەممەدی"، کوڕی "ئەحمەد"، خەڵکی گوندی "حەشمەر"، سەر بە شاری سەلاسی باوەجانی، بەهۆی تەقینەوەی مین لە سنووری نەوسوود بە سەختی بریندار بوو و لەلای لاقییەوە تووشی کەمئەندامی بوو.
ئاژانسی هەواڵدەریی کوردپا
