ڕۆژی شەممە ٢٣ی ڕێبەندان، هاووڵاتییەکی کورد بە ناوی "ئاسۆ شێخە" تەمەن ٢٣ ساڵ کوڕی "شەفیع" و خەڵکی گوندی "چەشمەگوڵـ"ـی شاری شنۆ، بە دانانی بارمتە هەتا کاتی دادگاییەکەی بە شێوەی کاتی لە زیندانی ئەو شارە ئازاد کرا.
سوهەیلا حیجاب زیندانیی سیاسی لەگەڵ ١٣ زیندانیی دیکە، لە بەندی ژنانی زیندانی کرماشان تووشی ڤایرۆسی کۆرۆنا بوون.
حەوتووی ڕابردوو کەسێک بە ناوی "ئیسماعیل وەزیری" خەڵکی گوندی "قەرەگوڵـ"ـی سەر بە شاری دیواندەرە کوژرا.
ئەمڕۆ شەممە ٢٣ی ڕێبەندان، هاووڵاتییەکی کورد بە ناوی "فەرزاد سامانی" پاش ١٣ مانگ لە ناڕوونیی چارەنووسی، بە دانانی بارمتەی قورس لە زیندانی ورمێ ئازاد کرا.
ڕۆژی چوارشەممە ٢٠ی ڕێبەندان، هاووڵاتییەکی کورد بە ناوی "هاشم مورادی" تەمەن ٣٩ ساڵ، کوڕی "مستەفا" و خەڵکی گوندی "شیناوێـ"ـی شاری پیرانشار، بۆ جێبەجێکردنی حوکمەکەی ڕەوانەی زیندانی نەغەدە کرا.
ڕۆژی هەینی ٢٢ی ڕێبەندان، ژنێکی تەمەن ٣٥ ساڵ بەهۆی تەقینەوەی کەرەستە تەقەمەنییە بەجێماوەکانی شەڕی ئێران و عێراق، لە شاری دێهلوڕان بە سەختی بریندار بوو.
ڕۆژی هەینی ٢٢ی ڕێبەندان، مێرمنداڵێکی تەمەن ١٦ ساڵ بە ناوی "ڕووزبە مورادی" خەڵکی شاری دیواندەرە، کۆتایی بە ژیانی خۆی هێنا.
خەدیجە مەهدیپوور، زیندانی سیاسیی کورد خەڵکی شاری ئیلام، لەلایەن سێ ژنەوە لە زیندانی ئەو شارە هێرش کرایە سەری و ئازار و ئەشکەنجە درا.
ڕۆژی پێنجشەممە ٢١ی ڕێبەندان، چوار چالاکی کرێکاری بە ناوەکانی "هاجەر سەعیدی، ڕامین کەریمی، فەردین میرەکی و عیسا مورادی" بانگهێشتی ستادی خەبەری ئیدارەی ئیتلاعاتی سنە کران.
ڕۆژی پێنجشەممە ٢١ی ڕێبەندان، ساکار عەینی، خەڵکی شاری مەهاباد پاش ١٣ مانگ ناڕوونی چارەنووسی بە دانانی بارمتەی قورس لە زیندانی ورمێ، ئازاد کرا.
ئاژانسی هەواڵدەریی کوردپا
