لقی ١ی دادگای ئینقلابی شنۆ بە سەرۆکایەتی دادوەر "ڕەزایی" هاووڵاتییەکی کورد بە ناوی "هاشم خوران"، خەڵکی گوندی "ئاڵیان" سەر بە ناوچەی "دەشتەبێڵـ"ـی شنۆی بە دوو ساڵ و ٦ مانگ زیندان مەحکووم کرد.
ئەمڕۆ پێنجشەممە ٤ی خاکەلێوە، عادڵ نادری هونەرمەندی خەڵکی گوندی "بۆڕییەر"ی سەر بە شارستانی سەوڵاوا، لەلایەن ئیتلاعاتی سپای پاسدارانەوە بانگهێشت و بۆ ماوەی چەند کاتژمێر لێپرسینەوەی لەگەڵ کرا.
ڕۆژی چوارشەممە ٣ی خاکەلێوە، هاووڵاتییەکی کورد بە ناوی "ئومید ئەسەدی" خەڵکی شاری سنە، بانگهێشتی ئیتلاعاتی سپا کرا و بۆ ماوەی چەند کاتژمێر لێپرسینەوەی لەگەڵ کرا.
ڕۆژی چوارشەممە ٣ی خاکەلێوە، هاووڵاتییەکی کورد بە ناوی "سامان میرەکی" خەڵکی شاری سنە، پاش بانگهێشتکردن بۆ ئیتلاعاتی سپا دەسبەسەر کرا.
ڕۆژی چوارشەممە ٣ی خاکەلێوە، منداڵێکی سنەیی تەمەن ٤ ساڵانە، لە کاتی یاریکردنی لە شاریی یاری گۆلی زرێواری مەریوان، گیانی لەدەست دا.
پاش چوار ڕۆژ لە هێنانی هێزە نیزامی و ئەمنییەتییەکان بۆ گوندی "نێـ"ـی مەریوان، لەمەڕ پێشگرتن بە بەڕێوەبردنی ڕێوڕەسمی نەورۆز لەو گوندە، هەنووکە ئەو هێزانە لە مزگەوتی نێ جێگیر کراون.
ڕۆژی چوارشەممە ٣ی خاکەلێوە، بەهرام بەهرامی و تاهیرە شمشەکی، لە دەسبەسەرکراوەکانی ڕێوڕەسمی نەورۆز لە پاڕکی منداڵ (پاڕکی نەورۆز)ی سنە، بە لێوەرگرتنی بەڵێننامە، لەلایەن هێزە ئەمنییەتییەکانەوە لە دەسبەسەری ئازاد کران.
هاووڵاتییەکی کورد بە ناوی "مێهران سلێمان‌پوور" خەڵکی گوندی "ئاڵیان"ی ناوچەی دەشتەبێڵی شنۆ، لەلایەن لقی ١ی دادگای ئینقلابی ئەو شارە بە سەرۆکایەتی دادوەر "ڕەزایی" بە ١٨ مانگ زیندانی مەحکووم کرا.
ڕۆژی سێشەممە ٢ی خاکەلێوە، کۆڵبەرێکی کورد بە ناوی "مەولان خزری" تەمەن ٣٠ ساڵ، خەڵکی شاری بۆکان، بە تەقەی هێزە نیزامییەکانی حکوومەتی لە سنووری "هەنگەژاڵـ"ـی بانە پێکرا.
ئەمڕۆ چوارشەممە ٣ی خاکەلێوە، هاووڵاتییەکی کورد بە ناوی "ئومید شێخی" خەڵکی شاری سنە پاش بانگهێشتکردنی بۆ ئیتلاعاتی سپای پاسداران دەسبەسەر کرا.
ئاژانسی هەواڵدەریی کوردپا
