سەرەڕای تەواوبوونی درێژکردنەوەی ماوەی دەسبەسەریی "هیوا قورەیشی، ئومید شامحەممەدی، پەرویز ئەحسەنی و کاوە محەممەدزادە"، لە ئەندامانی ئەنجومەنی سێنفیی مامۆستایانی کوردستان- دیواندرە هێشتا لە گرتنگەی ئیدارەی ئیتلاعاتی سنە دان.
ئێوارەی ڕۆژی سێشەممە ١٤ی پووشپەڕ، کۆڵبەرێکی کورد بەناوی "ئیرەج مەهدەوی" خەڵکی گوندی "کلاشی لوولم" سەر بە شاری جوانڕۆ، بەهۆی تەقەی هێزە نیزامییەکان لە سنووری نەوسوود، پێکرا.
ڕۆژی پێنجشەممە ٩ی پووشپەڕ، هاووڵاتییەکی کورد بە ناوی "مەنسوور کەربەلایی" کوڕی محەممەد خەڵکی گوندی "سەرچنار"ی شاری میاندوئاو لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی پێنجشەممە ٩ی پووشپەڕ، دوو هاووڵاتیی کورد بە ناوەکانی "سەید سالار سەید ڕەحیمی" کوڕی سەید عەبدوڵڵا و "حەسەن ماملێئازەر" خەڵکی گوندی "گامێش گۆلیـ"ـی شاری میاندواو، لەلایەن هێزە ئەمنییەتییەکانەوە دەسبەسەر کران.
ئارش سادقی چالاکی مافی مرۆڤ لە تویتێری خۆیدا، باسی لە دەسبەسەرکردنی دوو ژن بە ناوی "ئارەزوو ڕەزایی و ئەعزەم میرانیان" کرد کە بەهۆی دزینی میترێک سیمی بەرق، لە شاری ئیلام دەسبەسەر کراون.
ڕۆژی یەکشەممە ١٢ی پووشپەڕ، هێزە ئینتزامییەکان بە هاوکاریی سپای پاسداران لە گوندی "قەبری حوسێن" سەر بە شاری پیرانشار، دەستیان بەسەر نزیکەی ٣٠ سەر ئەسپی کاسبکاراندا گرت.
ڕۆژی یەکشەممە ١٢ی پووشپەڕ، هاووڵاتییەک بە ناوی "مەهدی ڕەسایی" تەمەن ٣٠ ساڵ کوڕی "مامەڕەشە"، خەڵکی گوندی "سەردۆشـ"ـی مەریوان، پاش بانگهێشتکردن بۆ ئیدارەی ئیتلاعاتی ئەو شارە، دەسبەسەر کرا.
ڕۆژی یەکشەممە ٥ی پووشپەڕ، هاووڵاتییەک بە ناوی "ژیلا زارعی" تەمەن ٢٥ ساڵ، خەڵکی شاری سەردەشت، بە لێدانی چەقۆ لەلایەن هاوژینەکەیەوە بە ناوی "ئیسماعیل عەبدوڵڵامەنش" لە شاری هەولێر لە هەرێمی کوردستان کوژرا.
ڕۆژی شەممە ١١ی پووشپەڕ، کۆڵبەرێکی کورد بە ناوی "کەماڵ ئیبراهیمزادە" خەڵکی گوندی "دێوالانـ"ـی شاری سەردەشت لە سنووری بانە بە تەقەی هێزە نیزامییەکان پێکرا.
ڕۆژی یەکشەممە ١٢ی پووشپەڕ، لاوێک بە ناوی "ئاسۆ (هەژار) عینایەتی" تەمەن ١٩ ساڵ کوڕی ئەمیر خەڵکی شاری بۆکان هەوڵی خۆکوژیدا و کۆتایی بە ژیانی خۆی هێنا.
ئاژانسی هەواڵدەریی کوردپا
