ڕۆژی شەممە، ١٤ی گەلاوێژ، لاوێکی کورد بە ناوی "ئەرسەلان یووسفی"، تەمەن ٢٩ ساڵ و خەڵکی گوندی "سڵامەت"، سەر بە شاری بۆکان، پاش بانگهێشتکرانی بۆ ئیدارەی ئیتلاعاتی ئەم شارە، دەسبەسەر کرا.
شەوی پێنجشەممە، ١٩ی گەلاوێژ، دوو هاووڵاتیی کورد بە ناوەکانی "لوقمان پیشیار" و "حەسەن مەردانی"، خەڵکی بۆکان، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
ڕۆژی چوارشەممە، ١٨ی گەلاوێژ، هاووڵاتییەک بە ناوی "بێهزاد شەریفی"، تەمەن ٢٩ ساڵ و کوڕی تۆفیق، خەڵکی گوندی "ساڵیان" سەر بە شاری سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرلەبەیانیی ڕۆژی پێنجشەممە، ١٩ی گەلاوێژ، حوکمی لەسێدارەدرانی زیندانییەک بە ناوی "ئەفشین ڕەحیمی هیدایەت"، خەڵكی شاری کەنگاوەر، سەر بە پارێزگای کرماشان لە زیندانی هەمەدان جێبەجێ کرا.
ڕۆژی ٢٥ی خەزەڵوەری ١٤٠١، سامان قادربەیگ، خۆپیشاندەری خەڵکی بۆکان کە لە ڕەوتی بزووتنەوەی ژن، ژیان، ئازادی بە تەقەی هێزە سەرکوتکەرەکان بریندار و دەسبەسەر کرابوو، گیانی لەدەست دا.
ڕۆژی چوارشەممە، ١٨ی گەلاوێژ، سونیا شەریفی، قوتابیی تەمەن ١٧ ساڵەی خەڵكی ئاودانان و لە دەسبەسەرکراوانی بزووتنەوەی ژن، ژیان، ئازادی، پاش بانگهێشتکران بۆ ئیدارەی ئیتلاعاتی ئاودانان، لە چوونەژوورەوەی ئەم شارەدا، بە زۆر، سواری ماشین کراوە و…
لە ماوەی ڕۆژانی ڕابردوودا، هاووڵاتییەکی کورد بە ناوی "شۆڕش ئیبراهیمی"، خەڵکی گوندی "گەرگولی خوارێ"، سەر بە شاری پیرانشار، پاش کۆتاییهاتنی قۆناغەکانی لێپرسینەوە، لە گرتنگەی ئیدارەی ئیتلاعاتی ورمێوە بۆ زیندانی نەغەدە ڕاگوێزرا.
سەرلەبەیانیی ڕۆژی چوارشەممە، ١٨ی گەلاوێژ، حوکمی لەسێدارەدرانی زیندانییەک بە ناوی "مەنووچێهر خەزایی"، خەڵکی شاری کەنگاوەر، سەر بە پارێزگای کرماشان، لە زیندانی هەمەدان جێبەجێ کرا.
ڕۆژی چوارشەممە، ١٨ی گەلاوێژ، فەرهاد نەوایی، مێرمنداڵی تەمەن ١٦ ساڵی خەڵکی گوندی " ترشکان"، سەر بە شاری مەهاباد، لە کانوونی ئێسڵاح و تەربییەتی سنە ئازاد کرا.
سارا لارکمپ، پارێزەری مافی منداڵان لە فراکسیۆنی SPDی پارلەمانی ئاڵمان، بە بڵاوکردنەوەی پۆستێک لە فەیسبووکی خۆی، ڕایگەیاند کە کەفاڵەتی سیاسیی سوعدا خەدیرزادە و منداڵەی "سۆلینا"ی، لە ئەستۆ گرتووە و لە نامەیەکدا بۆ باڵوێزخانەی ئێران لە ئاڵمان،…
ئاژانسی هەواڵدەریی کوردپا
