بەپێی هەواڵ و زانیارییەكان و ئەو رووداوانەی كەلە ماوەی یەك مانگی رابردوودا لە ناوچە كوردنشینەكان روویان داوە هەموو بەڵگەكان ئەوە دەردەخەن كە نەبوونی ئەمنیەت و ئاسایشی گیانیی هاووڵاتییان باڵی بەسەر ناوچە كوردنشینەكاندا كێشاوە.
نوێنەری خەڵكی شاری میاندواو، تیكاب و شاهێندژ لە مەجلیسی شۆرای ئیسلامیی ئێران رایگەیاند، یارانە تەختییەكان وەڵامدەری پێداویستییەكانی هاووڵاتییان نین و تەنانەت بەو پارە ناتوانن تێچووی ئاو و بەرق و گاز دابین بكەن.
شێوەكارانی كورد بە 25 بەرهەمی هونەری شێوەكاری، بەشداری لە بەشی كۆتایی سێیەمین خولی فێستیڤاڵی سەرانسەری حەوزەی هونەری ئێران دەكەن.
دوابەدوای ئیعترازی سێ‌هاووڵاتیی شاری بۆكان بە بڕینەوەی یەك ساڵ زیندان لەلایەن دادگای سەرەتاییەوە، لە ئەنجامدا دادگای پێدا چوونەوە هەر كامیانی بە شەش مانگ حەبسی تەعزیری و 4 ساڵ زیندانی هەڵپەسێراو حوكم دا.
لە ماوەی چەند رۆژی رابردوودا 5 كەس لە كرێكارانی كارگەی ئاردی "سنبل"ی شاری مەهاباد لە سەر كار دەركران.
قوتابخانە سەرەتایی، ناوەندیی و دوا ناوەندییەكانی شاری بۆكان لە ئیعتراز بە چەندین حاڵەتی "منداڵ رفاندن" لە ئەمرۆ دووشەممەوە داخران.
كلیسای "حەفتەوان" كە بە یەكێك لە ئاسەوارە مێژووییەكانی ناوچەی سەلماس دێتە ئەژمار، مەترسیی لەناو چوونی لەسەرە.
لە ماوەی دوو حەفتەی رابردوودا نزیك بە 150 كرێكاری كورد لەلایەن بەرپرسانی كارگەی سیمانی بۆكانەوە لە كار بێبەش كراون.
لە گوندی "كارێزەی عەجەم"ی سەر بە شاری نەغەدە بەهۆی هاتنی لافاو 150 سەر مەڕی وەرزێڕان تێدا چوون.
وتەبێژی رێكخراوی مافی مرۆڤی كوردستان رایگەیاند، بڕیار بوو كۆبوونەوەیەك لەژێر ناوی "كۆمەڵگای مەدەنی لە كوردستان" بەڕێوە بچێت، بەڵام بەهۆی گوشاری ناوندە ئەمنیەتییەكان هەڵوەشایەوە.
ئاژانسی هەواڵدەریی کوردپا
