پیشانگای كەلەپووری كوردی (هەوارگە) كە رێكەوتی 15ی خاكەلێوە لەلایەن تیمی فۆلكلۆری هەوارگەی سەر بە ئەنجومەنی ئەدەبیی مەهاباد لەو شارە دەستی پێكردووە، لەلایەن خەڵكەوە پێشوازییەكی بێ وێنەی لێكراوە.
فەرمانداری شاری جوانڕۆ رایگەیاند، 23 گوندی سەر بە شارستانی جوانڕۆ لە خواردنەوەی ئاوی تەندرووست بێبەرین.
كورتە فیلمی "شیلەی بەرد" لە دەرهێنانی سینەماكاری كورد ستار چەمەنیگوڵ، لە بەشی دیكیۆمێنتی 22مین خولی فێستیڤاڵی نێودەوڵەتیی فیلمی "میدیاوایو"ی MEDIAWAVE ی مەجارستان نمایش دەكرێت.
فیلمی سینەمایی "كوێستانی قەندیل" لە دەرهێنانی تەها كەریمی سینەماكاری بانەیی و كورتە فیلمی "دەنگی باران" لە دەرهێنانی جەلال ساعیدپەنا سینەماكاری سنەیی، خەڵاتە سەرەكییەكانی فێستیڤاڵی نێودەوڵەتیی دیجیتاڵی هیندووستانیان مسۆگەر كرد.
خوێندكارێكی كوردی خەڵكی بانە لە زانستگای كوردستان لە سنە بەهۆیەكی ناڕوون كوژرا.
دوو هاووڵاتیی كوردی خەڵكی سەردەشت بەناوەكانی حەسەن و مەسعوود عەبدوڵڵاهی كوڕی قادر كەلە دوو رێكەوتی جیادا لەلایەن هێزە ئەمنیەتییەكانی حكوومەتی ئیسلامییەوە گیراون، چارەنووسیان نادیارە.
رێكخراوی مافی مرۆڤی كوردستان بە بۆنەی هەشتەمین ساڵرۆِژی دامەزرانی ئەو رێكخراوە، داوای لە سەرجەم خەڵك كردووە هەتا رۆژی 21ی خاكەلێوە وەك "رۆژی مافی مرۆڤی كوردستان" ناودێر بكەن.
رۆژی پێنجشەممە رێكەوتی 17ی خاكەلێوە لە ناوچەی "بوورالان"ی سەر بە شاری ماكۆ لەسەر سنوور، كۆمەڵێك لە كۆڵبەرانی كورد كەوتوونەتە بەر دەستڕێژی هێزی ئینتزامیی حكوومەت و دواتر 8 كەسیان دەستبەسەر كراون.
هونەرمەندانی سینەماكاری لاوی كورد لە پارێزگاكانی كوردستان و كرماشان بە چەند بەرهەمێك بەشداری چل و حەوتەمین خولی فێستیڤاڵی ناوچەیی سینەمای لاو "ئەفلاك"ن، كەلە پارێزگای لوڕستان بەڕێوە دەچێت.
لە ئەنجامی تەقینەوە لە كانەبەردێك لە شاری سەقز، كرێكارێك گیانی لەدەست دا و یەكێكی دیكەش بریندار بوو.
ئاژانسی هەواڵدەریی کوردپا
