شەوی شەممە ٢٣ی خاکەلێوەی ١٤٠٤، هاووڵاتییەکی کورد بە ناوی "محەممەد ساڵحی" خەڵكی گوندی "بێکش" سەر بە شاری بانە، بە تەقەی هێزە نیزامییەکانی حکوومەت لە سنووری ئەم شارە بە سەختی بریندار بوو و لە بەشی چاوەدێریی تایبەتدا ڕاگیراوە.
سەرەڕای تێپەڕبوونی نزیکەی یەک مانگ لە کاتی دەسبەسەرکرانی عەبدوڵڵا ئەژیر، هاووڵاتیی خەڵکی گوندی "سەروکانی" سەر بە شاری پیرانشار، سەبارەت بە چارەنووسی ناوبراو زانیارییەکی ورد لەبەر دەستدا نییە.
دوابەدوای بەڵگەی بانگکرانی دادگا و هێناگۆڕێی تۆمەتی "پڕوپاگەندە دژی نیزام" لە دادگایەکی جیا لە دۆسییەی پێشوو دژی محەممەد ڕەسووڵپوور، بەندکراوی سیاسیی بەندکراو لە بەندیخانەی شنۆ، ڕۆژی ٢٣ی خاکەلێوەی ١٤٠٤، ناوبراو لە ڕێگەی ڤیدیۆ کۆنفرانسەوە لە…
بێهرووز فەیزی، هاووڵاتیی خەڵکی سەقز لەلایەن لقی یەکی دادگای ئینقلابی ئەم شارەوە بە سەرۆکایەتیی دادوەر "موجتەبا غەفاری" بە تۆمەتی "پڕوپاگەندە دژی نیزام لە ڕێگەی سۆشیاڵ میدیا"وە بە هەشت مانگ بەندکران سزا درا.
ڕۆژی پێنجشەممە ٢١ی خاکەلێوەی ١٤٠٤، نازەنین ئێلیاسی، هاووڵاتیی خەڵکی مەهاباد بە دانانی بارمتەی چوار میلیارد تمەنی و بە شێوەی کاتی لە بەندیخانەی ورمێ ئازاد کرا.
ڕۆژی پێنجشەممە ٢١ی خاکەلێوەی ١٤٠٤، "عوسمان(شوانە) جەهانی فەر"، "یووسف قاڵ" و "ڕەحمان دانا" سێ هاووڵاتیی کوردی خەڵکی مەهاباد بە دانانی بارمتە و بە شێوەی کاتی لە بەندیخانەی ئەم شارە ئازاد کران.
ڕۆژی پێنجشەممە ٢١ی خاکەلیوەی ١٤٠٤، دوو هاووڵاتیی کورد بە ناوەکانی "مەسعوود خزری" و "ئەبووبەکر خاتەمی" خەڵکی شنۆ بە دانانی بارمتەی و بە شێوەی کاتی لە بەندیخانەی ئەم شارە ئازاد کران.
ڕۆژی چوارشەممە ٢٠ی خاکەلێوەی ١٤٠٤، نەریمان ڕەندانی، چالاکی مەدەنیی خەڵکی سەقز جارێکی دیکە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی سێشەممە ١٩ی خاکەلێوەی ١٤٠٤، پیاوێکی لاو بە ناوی فایەق پیرموون، خەڵکی گوندی "قیزقوپی" و دانیشتووی سایین قەڵا، بە خواردنی حەبی برینج لە ماڵەکەی خۆیدا، کۆتایی بە ژیانی هێنا.
سەرلەبەیانیی ڕۆژی چوارشەممە ٢٠ی خاکەلێوەی ١٤٠٤، سزای لەسێدارەدانی بەندکراوێک بە ناوی "کامبیز فەتحی" خەڵکی کرماشان لە بەندیخانەی ناوەندیی ئەم شارە جێبەجێ کرا.
ئاژانسی هەواڵدەریی کوردپا
