ڕۆژی یەکشەممە ٢٨ی بانەمەڕی ١٤٠٤، کۆبوونەوەی لێپرسینەوەی کامران ساختمانگەر، چالاکی کرێکاری و بەندکراوی سیاسیی پێشوو لە لقی ٢ی لێپرسینەوەی دادسەرای گشتی و ئینقلابی سنە بەڕێوە چوو.
ڕۆژی چوارشەممە ٢٤ی بانەمەڕی ١٤٠٤؛ عەزیم یادگاری، هاووڵاتیی کوردی خەڵکی دێهلوڕان و لە دەسبەسەرکراوانی بزووتنەوەی ژن، ژیان، ئازادی بە مەبەستی جێبەجێکرانی سزای ١٠ ساڵ بەندکران لە تاران دەسبەسەر و ڕەوانەی بەندیخانەی ئیلام کرا.
سەرلەبەیانیی ڕۆژی سێشەممە ٣٠ی بانەمەڕی ١٤٠٤، سزای سێدارەی بەندکراوێک بە ناوی "گۆران قادری" کە بە تۆمەتی "کوشتنی بەئەنقەست" لە دۆسییەی "شلێر ڕەسووڵی"دا دەسبەسەر کرابوو و بە لەسێدارەدران سزا درابوو، لە بەندیخانەی ناوەندیی سنە جێبەجێ کرا.
ڕۆژی هەینی ٢٦ی بانەمەڕی ١٤٠٤، محەممەد هووشمەند، هاووڵاتیی کوردی خەڵکی گوندی "دەرەتفێ" سەر بە شاری مەریوان، بە شێوەی توندوتیژانە و دوابەدوای هێرش بۆ سەر ماڵەکەی لەلایەن هێزەکانی ئیتلاعاتی سپاوە دەسبەسەر کرا و بۆ گرتنگەی شارامفەری سنە…
ڕۆژی هەینی ٢٦ی بانەمەڕی ١٤٠٤، ئارمین خودامورادی، هاووڵاتیی خەڵکی سنە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە کۆکردنەوەی هەموو سزاکانی بەندکران لە دوو دۆسییەی ماشەڵڵا کەرەمی، باوکی نارازیی لەسێدارەدراوی بزووتنەوەی ژن، ژیان، ئازادی محەممەدمێهدی (کۆمار) کەرەمی، بەندکرانەکەی بۆ سێ ساڵ و حەوت مانگ گۆڕدرا.
ڕۆژی یەکشەممە ٢٨ی بانەمەڕی ١٤٠٤، هاووڵاتییەکی کورد بە ناوی "ڕەشید فەقێزادە" خەڵکی شنۆ بە دانانی بارمتەی یەک میلیارد تمەنی و بە شێوەی کاتی لە بەندیخانەی ئەم شارە ئازاد کرا.
سەرەڕای تێپەڕبوونی ٢٠ ڕۆژ لە کاتی دەسبەسەرکرانی حەسەن ئەحمەدی ناسراو بە "حەسەن ڕێناس"، هونەرمەندی کوردی خەڵکی ماکۆ، ناوبراو هێشتا دەسبەسەرە و چارەنووسی لە بەندیخانەی ئەم شارە ناڕوونە.
٢٧ی بانەمەڕی ١٤٠٤؛ کیانووش چراغی، هاووڵاتیی کوردی خەڵکی دێهلوڕان و لە دەسبەسەرکراوانی بزووتنەوەی ژن، ژیان، ئازادی پاش سەردانی لێژنەیەک لە دادستانیی تاران بۆ بەندیخانەی ماپارەی ئیلام و ناڕەزایەتیدەربڕین بە دۆخی نامرۆڤانە و ناداداپەروەرانە،…
سەرلەبەیانیی ڕۆژی پێنجشەممە ٢٥ی بانەمەڕی ١٤٠٤، دوو برا بە ناوەکانی "عەزیزعەبدوڵڵازادە" تەمەن ٣٣ ساڵ و "ئومید عەبدوڵڵازادە" تەمەن ٣٥ ساڵ و خەڵکی گوندی "حوسێن ئاباد" سەر بە شاری بۆکان، لەلایەن هێزە ئەمنییەتییەکانەوە دەسبەسەر کران.
ئاژانسی هەواڵدەریی کوردپا
