سەرلەبەیانی ئەمڕۆ سێشەممە ٤ی گەلاوێژ، هاووڵاتییەکی ژن بە ناوی "فەرانەک بەهەشتی" خەڵکی شاری تیکاب، بۆ جێبەجێکردنی حوکمی لە سێدارەدانەکەی، ڕەوانەی ژووری تاکەکەسی لە زیندانی ورمێ، کرا.
ڕێبوار عەبدوڵڵاهی، چالاکی کرێکاری لەلایەن لقی ١ی دادگای ئینقلابی سنە بە سەرۆکایەتیی دادوەر "سەعیدی" بە دوو ساڵ زیندانی تەعلیقی مەحکووم کرا.
هاووڵاتییەکی کورد بە ناوی "لوقمان قادری" کوڕی عەزیز خەڵکی پەسوێ و دانیشتووی شاری پیرانشار، لە دەسبەسەریدایە و چارەنووسی لە زیندانی ناوەندیی ورمێ، نادیارە.
ڕۆژی شەممە ١ی گەلاوێژ، هاووڵاتییەکی کورد بە ناوی "بەختیار مستەفاپوور" کوڕی جەعفەر خەڵکی گوندی "سێگرکان"ی شاری پیرانشار، لە یەکێک لە گرتنگە ئەمنییەتییەکانی ئەو شارە، بۆ زیندانی نەغەدە، ڕاگوێزرا.
ئەمڕۆ دووشەممە ٣ی گەلاوێژ، مامۆستا مەلا یوونس نەوخا، لە مامۆستایانی قوتابخانەی زانستی دینیی سەلاحەدین ئەیووبیی شاری پیرانشار، بە دانانی بارمتە لە زیندانی ورمێ ئازاد کرا.
ڕۆژی یەکشەممە ٢ی گەلاوێژ، منداڵێکی کار بە ناوی "مەتین مستەفایی" تەمەن ١٠ ساڵ، کوڕی "ئەیووب" خەڵکی گوندی "چاوەڕەشـ"ـی ناوچەی باراندۆزی ورمێ، کۆتایی بە ژیانی خۆی هێنا.
ستادی خەبەریی ئیدارەی ئیتلاعات لە نوێترین حاڵەتدا، گوشاری بۆ سەر بەڕێوەبەرانی کاناڵە تێلێگرامییەکان لە شاری بانە، کە هەواڵی پەیوەندیدار بە کوژران و برینداربوونی کۆڵبەران ڕووماڵ دەکەن، زیاد کردووە.
ئێوارەی ڕۆژی شەممە ١ی گەلاوێژ، هاووڵاتییەکی کورد بە ناوی "بەهرام مەحموودی" کوڕی ڕەحمان خەڵکی بانە، بەهۆی تەقەی هێزە نیزامییەکانی حکوومەتی لە سنووری "هەنگەژاڵـ"ـی ئەو شارە بریندار کرا.
ئەمڕۆ یەکشەممە ٢ی گەلاوێژ، مۆحسێن عەزیزی و خۆشناو عەینی، هەر کامیان بە دانانی بارمتەی ٢٠٠ ملیۆن تمەنی لە زیندانی شنۆ ئازاد کران.
ئەمڕۆ یەکشەممە ٢ی گەلاوێژ، هاووڵاتییەکی کورد بە ناوی "کاوە سلێمانپوور" خەڵکی گوندی "خوڕخوڕە"ی شاری مەهاباد بۆ جێبەجێکردنی ماوەی زیندانییەکەی ڕەوانەی زیندانی ئەو شارە کرا.
ئاژانسی هەواڵدەریی کوردپا
