ڕۆژی یەکشەممە ٦ی خەرمانان، هاووڵاتییەک بە ناوی "خوسرەو جانداروو" تەمەن ٧٠ ساڵ، بەهۆی تەقینەوەی کەرەستە تەقەمەنییە بەجێماوەکانی شەڕی ئێران و عێراق، لە نزیک گوندی "قاسم ئاوا"ی شاری گیلانغەرب، گیانی لەدەست دا.
ئەمڕۆ یەکشەممە ٦ی خەرمانان، "ئاراس محەممەدپوور" خەڵکی شاری سەردەشت کە حەوتووی ڕابردوو، بە تەقەی هێزە نیزامییەکانی حکوومەتی لە سنووری بانە، بە سەختی پێکرابوو لە نەخۆشخانەی "کەوسەر"ی سنە گیانی لەدەست دا.
ڕۆژی هەینی ٤ی خەرمانان، هاووڵاتییەکی کورد بە ناوی "ناسر دالە" تەمەن ٣١ ساڵ، کوڕی عوسمان خەڵکی گوندی "زەنگیاوێ" و دانیشتووی "شیناوێ"ی شاری پیرانشار، لەلایەن هێزە ئەمنییەتییەکانەوە دەسبەسەر کرا.
ڕۆژی شەممە ٥ی خەرمانان، کۆڵبەرێک بە ناوی "ماجد محەممەدی" بە تەقەی هێزە نیزامییەکانی حکوومەتی لە سنووری نەوسوود، پێکرا.
ئەمڕۆ شەممە ٥ی خەرمانان، هاووڵاتییەکی کورد بە ناوی "میکائیل مینبەری" خەڵکی گوندی "نییەر" و دانیشتووی شاری سنە، پاش تەواوبوونی ماوەی لێپرسینەوەکەی لە گرتنگەی ئیتلاعاتی سپا، بۆ زیندانی ئەو شارە، ڕاگوێزرایەوە.
ڕۆژی هەینی ٤ی خەرمانان، کۆڵبەرێک بە ناوی "ڕێبوار ڕەشیدی" کوڕی ئەبووبەکر خەڵکی گوندی "قوڵیاوا"ی شاری بانە، بە تەقەی هێزە نیزامییەکان لە سنووری "بڕوێشکانی"ی ئەو شارە، کوژرا.
ڕۆژی هەینی ٤ی خەرمانان، دیار عەباسی، هاووڵاتیی خەڵکی گوندی "بەرەجۆ"ی بەخشی خەلیفانی شاری مەهاباد، بە دانانی بارمتەی ٨٠٠ میلیۆن تمەنی لە زیندانی ئەو شارە ئازاد کرا.
یەکەمین دادگای پێڕاگەیشتن بە دۆسییەی سوعدا خەدیرزادە، زیندانیی سیاسی لە بەندی ژنانی زیندانی ورمێ بەڕێوەچوو و سکاڵاکەرانی دۆسییەکەی هەڕەشەی کوشتنیان لەو زیندانییە سیاسییە کرد.
لە ماوەی ڕۆژانی ڕابردوودا، هاووڵاتییەک بە ناوی "هێمن عەبدی" کوڕی ئەبووبەکر خەڵکی گوندی "قانزالی"ی شاری سایینقەڵا، لەلایەن هێزە ئەمنییەتییەکانەوە دەسبەسەر کرا.
ڕۆژی چوارشەممە ٢ی خەرمانان، هاوڵاتییەک بە ناوی "سوبحان مەولوودی" تەمەن ٣٢ ساڵ کوڕی ئەحمەد خەڵکی "تەنگیسەر" سەر بە سنە، بە دانانی بارمتەی ٢٠٠ میلیۆن تمەنی لە زیندانی ئەو شارە، ئازاد کرا.
ئاژانسی هەواڵدەریی کوردپا
