ئەمڕۆ چوارشەممە ٢٥ی خەزەڵوەری ١٤٠١، هاووڵاتییەکی ناڕازی بە ناوی "بورهان کەرەمی" کوڕی "مەحموود" دانیشتووی شاری کامێران، بە تەقەی هێزە سەرکوتکەرەکانی حکوومەت لە خۆپیشاندانەکاندا گیانی لەدەستدا.
ڕۆژی دووشەممە ٢٣ی خەزەڵوەری ١٤٠١، هاووڵاتییەکی کورد بە ناوی "فەریاد شیلان" خەڵکی شاری پیرانشار بۆ تێپەڕکردنی ماوەی زیندانییەکەی بۆ زیندانی نەغەدە گوازرایەوە.
شەوی سێشەممە ٢٤ی خەزەڵوەری ١٤٠١، "عیسا بیگلەری" و "زانیار ئەڵڵامورادی" لە ڕەوتی خۆپیشاندانەکانی شاری سنە بە تەقەی ڕاستەوخۆی هێزە سەرکوتکەرەکانی حکوومەتی ئێران گیانیان لەدەستدا.
شەوی سێشەممە ٢٤ی خەزەڵوەری ١٤٠١، هاووڵاتییەکی ناڕازی بە ناوی "فواد محەممەدی" ٣٨ ساڵە و خەڵکی گوندی "ماویان" بەهۆی تەقەی هێزەکانی حکوومەتی ئێران لە خۆپیشاندانەکاندا گیانی لەدەستدا.
ڕۆژی دووشەممە ٢٣ی خەزەڵوەری ١٤٠١، "خەبات فەدایی" هونەرمەندی کوردی خەڵکی گوندی "بۆڕیەر"ی سەر بە شاری سەوڵاوای مەریوان و دانیشتووی شاری تاران بە دانانی بارمتە بە شێوەی کاتی تا کاتی دادگاییەکەی لە زیندانی ئێڤین ئازاد کرا.
ڕۆژی چوارشەممە ڕێکەوتی ١٨ی خەزەڵوەری ١٤٠١، ئەندازیار "پەرهام پەروەری" خەڵکی شاری سەقز کە لە ڕەوتی خۆپیشاندانەکانی شاری تاران دەسبەسەر کرابوو، لەلایەن دادسەرای ئەمنییەتی زیندانی ئێڤین بە "موحاڕبە" تۆمەتبار کرا.
شەوی هەینی، ٢٠ی خەزەڵوەر، هاووڵاتییەکی کورد بە ناوی "سامان ڕەحمانی"، کوڕی سدیق، خەڵکی تیکاب بەهۆی لێدانی بەردەوامی باتوم لە لایەن هیزە سەرکوتکەرەکانەوە لە قەڵای حەسەنخان (شاری قودس)ی تاران گیانی لە دەست دا.
هاووڵاتییەکی کورد بە ناوی "حەمید گوڵی"، تەمەن ٤٦ ساڵ، کوڕی محەممەد، خەڵکی سنە، لە درێژەی ناڕەزایەتییەکان لە تاران، بە هۆی لێدانی بەردەوامی باتوم لە لایەن هێزە سەرکوتکەرەکانەوە لە نەخۆشخانەی تەجریش گیانی لەدەست دا.
هاووڵاتییەکی کورد بە ناوی "کەماڵ هاشمی" خەڵکی پیرانشار لەلایەن دادگای ئینقلابی ئەم شارە حوکمی زیندانی بەسەردا سەپێندرا.
ڕۆژی یەکشەممە ٢٢ی خەزەڵوەر، هاووڵاتییەکی کورد بە ناوی "یووسف عومەرپوور" خەڵکی گوندی "چیانە"ی پیرانشار بۆ تێپەڕاندنی ماوەی حوکمەکەی بۆ زیندانی نەغەدە گوازرایەوە.
ئاژانسی هەواڵدەریی کوردپا
