ئەمڕۆ سێشەممە، ١٦ی ڕەشەمە، بەهادین مەلەکی، مامۆستای خەڵکی سنە کە بەشداریی لە کۆبوونەوەی ناڕەزایەتی بەنیسبەت دۆخی نائەمنی قوتابخانەکان و ژاراویبوونی زنجیرەیی قوتابییان کردبوو، لەلایەن هیزە ئەمنیەتییەکانەوە دەسبەسەر کرا.
ڕۆژی دووشەممە، ١٥ی ڕەشەمە، سەعدی ئەشکاوەند، تەمەن ٢٧ ساڵ، کوڕی عارف، خەڵکی گوندی "نێ"ی مەریوان بە دانانی بارمتە لە زیندانی ئەم شارە ئازاد کرا.
ڕۆژی یەکشەممە، ١٤ی ڕەشەمە، کاوە سەلیمی، چالاکی مەدەنیی کوردی یارسان لەلایەن هێزەکانی ئیتلاعاتی سپا لە کرماشان دەسبەسەر کرا و بۆ شوێنێکی نادیار ڕاگوێزرا.
دانیال محەممەدپوور کوڕی محەممەدئەمین و هەمین، هاووڵاتیی خەڵكی مەهاباد کە لە درێژەی ناڕەزایەتییەکانی ئەم شارەدا بە تەقەی هێزە ئەمنییەتی - سەرکوتکەرەکان چاوی بریندار ببوو، دەبێ بۆ جاری سێهەم نەشتەرگەریی بۆ بکرێت.
ڕۆژی شەممە، ١٣ی ڕەشەمە، کۆڵبەرێکی کورد بە ناوی "جەعفەر فاتحی"، تەمەن ٤٥ ساڵ، خەڵکی گوندی "کەرجۆ"ی شاری سنە بە تەقەی هێزە نیزامییەکانی حکوومەت لە سنووری نەوسوود بریندار کرا.
سەیوان عەزیزی، کوڕی سابر و تەیبە خەڵکی سنە کە لە ڕەوتی ناڕەزایەتییەکانی ئەم شارەدا دەستی بەتوندی بریندار ببوو، ئێستا بە دەستێکەوە دەژیت و پزیشکان پێیان ڕاگەیاندووە تا کاتێ کە نەشتەرگەریی دووبارەی بۆ نەکرێت، ئەگەری جووڵەی دەستی لەئارادا…
سەرلەبەیانیی ئەمڕۆ یەکشەممە، ١٤ی ڕەشەمە، حوکمی لەسێدارەدرانی زیندانییەک بە ناوی "کەیۆمەرس زەرغامی"، لە زیندانی سەقز جێبەجێ کرا.
بایەزید ڕاسخنیا، هاووڵاتیی خەڵکی مەهاباد بۆ لێپرسینەوە بۆ یەکێک لە گرتنگە ئەمنیەتییەکانی ورمێ راگوێزرا.
مامۆستا حوسێن عەلیمورادی، پێشنوێژی مزگەوتی "ئیبراهیم خەلیلوڵڵا"ی سنە و بەرپرسی قوتابخانەی زانستی دینی "ئیبراهیم خەلیلوڵڵا"، بانگهێشتی دادگای تایبەتی ڕۆحانییەتی هەمەدان کرا.
لاوێکی کورد بە ناوی "فەرەیدوون نەبی"، تەمەن ٢١ ساڵ و خەڵکی پیرانشار لەجیاتی براکەی بە ناوی "فەردین نەبی"، ١٢٦ ڕۆژە لەلایەن هێزە ئەمنییەتییەکانەوە بە بارمتە گیراوە.
ئاژانسی هەواڵدەریی کوردپا
