ڕۆژی شەممە، ٢٦ی ڕەشەمە، یاسر حوسێنی، هاووڵاتیی کوردی خەڵکی کامێران بە دانانی بارمتەی ٥٠٠ میلیۆن تمەنی و بە شێوەی کاتی هەتا کۆتاییهاتنی قۆناغەکانی لێپرسینەوەکەی لە بەندیخانەی ئەم شارە ئازاد کرا.
ڕۆژی یەکشەممە ٢٧ی ڕەشەمە، مێرمنداڵێکی تەمەن ١٥ ساڵ بە ناوی "ماردین گاگەشی"، خەڵکی پیرانشار لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
دوای تێپەڕبوونی یەک ساڵ لە لەسێدارەدرانی مەحیەدین ئیبراهیمی، بەندکراوی سیاسیی کوردی خەڵکی شنۆ، تەرمەکەی هەروا بێسەروشوێنە و بنەماڵەکەی تاکوو ئێستاش هیچ زانیاریەکیان لەمەڕ شوێنی ناشتنەکەی نییە.
شەوی پێنجشەممە، ٢٤ی ڕەشەمە، مریەم ڕەزمجوو، یاریدەدەر لە زانکۆی ڕازی لەگەڵ دایک و براکەی، بە دەستی هاوسەرە پێشووەکەی و بە چەکی گەرم کوژران.
کۆڵبەرێک بە ناوی "ڕەحیم محەممەدزادە"، خەڵکی ڕەبەت، بە هۆی بەربوونەوە لە بەرزایی لە سنووری بانە گیانی لەدەست دا و ئەمڕۆ شەممە، ٢٦ی ڕەشەمە، تەرمەکەی پاش سێ ڕۆژ لەلایەن خەڵکەوە دۆزرایەوە.
ڕەشاد پەرویزی، ئەندامی ئەنجومەنی فەرهەنگی _ کۆمەڵایەتیی "نۆژین" بە دانانی بارمتەی ٢٠٠ میلیۆن تمەنی لە گرتنەی ئیتلاعاتی سنە ئازاد کرا.
ئێوارەی ٢٨ی خەزەڵوەری ١٤٠١، مەحموود عەبدی، خۆپیشاندەرێکی تەمەن ۴۳ ساڵ، یاریدەدەری برینداران و خەڵکی بۆکان، کە لە ڕەوتی خۆپیشاندانە گشتییەکانی ئەو شارە لەگەڵ ژمارەیەک، ڕۆڵی خۆڕێکخستن بۆ یارمەتیدانی بریندارەکانی لە ئەستۆ گرتبوو، چوار جار…
شەوی پێنجشەممە، ٢٤ی ڕەشەمە، عەتا حوسێنی، کۆڵبەری لاوی خەڵكی "بەلەبزان"، سەر بە شاری پاوە، بە هۆی سەختیی برینەکانییەوە لە نەخۆشخانەی تاڵەقانیی کرماشان گیانی لەدەست دا.
ڕامین گورگانی، هاووڵاتیی خەڵکی کامێران، سەرەڕای تێپەڕبوونی ٨ ڕۆژ بەسەر دەسبەسەرکرانیدا، چارەنووسی هەروا ناڕوونە.
ڕۆژی پێنجشەممە، ٢٤ی ڕەشەمە، کامران قاسمی، بەندکراوی سیاسیی کورد کە ماوەی بەندکرانەکەی لە بەندیخانەی ورمێ تێدەپەڕێنێ، بە بەڵێنی بەرپرسانی بەندیخانە بۆ بەدواداچوون بۆ داواکارییەکانی کۆتایی بە مانگرتنەکەی هێنا.
ئاژانسی هەواڵدەریی کوردپا
