ڕۆژی شەممە ٢٢ی بەفرانباری ١٤٠٣، چالاکێکی ژینگەپارێز بە ناوی "ژیان میری" خەڵکی گوندی "تەنگیسەر"، سەر بە شاری سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی شەممە ٢٢ی بەفرانباری ١٤٠٣، سزای جەماڵ عەلیزادە، چالاکی مەدەنیی خەڵکی پیرانشار کۆتایی پێ هات.
ڕۆژی پێنجشەممە ٢٠ی بەفرانباری ١٤٠٣، هاووڵاتییەکی کورد بە ناوی "بێهزاد براخاسی" خەڵکی دیواندەرە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی دووشەممە ١٧ی بەفرانباری ١٤٠٣، دوو هاووڵاتیی کورد بە ناوەکانی "سروە شیری" تەمەن ٢٢ ساڵ و "پەیمان شیری" تەمەن ١٩ ساڵ خەڵكی گوندی "تەرەغە" سەر بە شاری بۆکان بە مەبەستی جێبەجێکرانی سزای بەندکران بۆ بەندیخانە ڕاگوێزراون.
هاووڵاتییەکی کورد بە ناوی "محەممەد جۆخور (ئەمینی فەر)" خەڵکی گوندی "عەلیاوا"ی نەغەدە لەلایەن لقی یەکی دادگای ئینقلابی مەهابادەوە بە سەرۆکایەتیی دادوەر "سەجاد دووستی" بە ٢٩ مانگ بەندکران سزا درا.
ڕۆژی پێنجشەممە ٢٠ی بەفرانباری ١٤٠٣، دوو هاووڵاتیی کورد بە ناوەکانی "هێمن بەهرامی" و "سۆران ئەرشەد" خەڵکی بۆکان بە دانانی بارمتە لە بەندیخانەی ئەم شارە ئازاد کران.
سەرلەبەیانی ڕۆژی سێشەممە ١٨ی بەفرانباری ١٤٠٣، سزای لەسێدارەدرانی بەندکراوێک بە ناوی "فەرمان ئەفریستەم" خەڵکی کرماشان لە بەندیخانەی دێزڵاوای ئەم شارە جێبەجێ کرا. بە هەژمارکردنی ئەم بەندکراوە، ژمارەی لەسێدارەدراوانی ئەم ڕۆژە لەم بەندیخانەیە…
بەهمەن نادری، هاووڵاتیی خەڵکی کرماشان لەلایەن لقی ١٠٥ دادگای کەیفەری ٢ی ئەم شارەوە بە تۆمەتی "بێڕێزی بە پیرۆزییەکان و بەرپرسانی فەرمی و هێزەکانی دەوڵەت" بە شەش مانگ بەندکرانی داسەپاو سزا درا.
شەوی سێشەممە ١٨ی بەفرانباری ١٤٠٣، کۆڵبەرێک بە ناوی "شاهین ڕەسووڵ حەسەن" خەڵکی گوندی "دۆڵەتوو" سەر بە شاری سەردەشت بە تەقەی هێزە نیزامییەکانی حکوومەت لە بەرزاییەکانی سنووری "جاسووسان"ی ئەم شارە بە سەختی بریندار بوو.
ڕۆژی چوارشەممە ١٩ی بەفرانباری ١٤٠٣؛ ئەمیر ڕەئیسییان، پارێزەری پەخشان عەزیزی، بەندکراوی سیاسیی کوردی بەندکراو لە بەندیخانەی ئێڤین باسی لە پشتڕاستکرانەوەی سزای بریگرتەکەی لەلایەن لقی ٣٩ی دیوانی باڵای وڵاتەوە کرد.
ئاژانسی هەواڵدەریی کوردپا
