دوانێوەرۆی رۆژی دووشەممە ناوەندێكی ئەمنیەتیی ـ قەزایی حكوومەتی ئیسلامیی ئێران لە ئەهواز لە پێوەندییەكی تلەفوونیدا هەواڵی ئیعدام كردنی سێ هاووڵاتیی بە بنەماڵەكەیان راگەیاند.
هاووڵاتییەكی كورد بە گومانی هەڵگرتنی شتومەكی قاچاغ لە نێوان جادەی كامیاران ـ روانسەر گیانی لێئەستێنرا.
كاسبكارێكی خەڵكی میراوای بۆكان لەلایەن هێزی ئینتزامیی حكوومەتی ئیسلامیی ئێرانەوە درایە بەر دەستڕێژ و گیانی لێ ئەستێنرا.
هێزەكانی سەر بە حكوومەتی ئیسلامیی ئێران پێشیان بە كۆچی كوێستانیی ئاژەڵدارنی ناوچەی ماكۆ بۆ لەوەڕگەكانی ناوچەی چاڵدوران گرت.
خوێندكارێكی كوردی خەڵكی مەهاباد چەند رۆژ لەمەوبەر لەلایەن ئیدارەی ئیتلاعاتی ئەو شارەوە بانگهێشت و دەستبەسەر كراوە.
رێكخراوی لێبوردنی نێودەوڵەتی لە دانیشتنی ساڵانەی رێكخراوی جیهانیی كاردا داوای لە ئێران كرد دەستبەجێ چالاكانی كرێكاریی بەندكراو ئازاد بكات.
لاوێكی عەرەبی دانیشتووی "ئەلزویە"ی شاری ئەهواز لە پارێزگای خووزستان لەلایەن هێزە ئینتزامییەكانەوە درایە بەر دەستڕێژی بەهۆی خوێنڕێژیی زۆر پاش حەفتەیەك گیانی لەدەست دا.
هاووڵاتییەكی خەڵكی گوندی "گوڵتەپە"ی سەر بە شاری بۆكان كەوتۆتە بەر دەستڕێژی هێزی ئینتزامیی حكوومەتی ئیسلامیی ئێران و پاش 2 رۆژ مانەوە لە بێهۆشیدا، لە نەخۆشخانە گیانی لەدەست داوە.
هاووڵاتییەكی دانیشتووی ناوچی "هۆمڵ"ی سەر بە شاری سەردەشت كەوتۆتە سەر مینی چێنراو و لە ئەنجامدا لاقێكی لەدەست داوە.
هاووڵاتییەكی خەڵكی گوندی "سارداو"ی سەر بە شاری بانە لە دوو كیلۆمیتریی سنووری ئەو شارە لەگەڵ هەرێمی كوردستان كەوتۆتە بەر تەقەی راستەخۆی هێزە نیزامییەكان و بە توندی بریندار بووە.
ئاژانسی هەواڵدەریی کوردپا
