ئاژانسی هەواڵدەریی کوردپا
ئاژانسی كوردپا: لە چەند رۆژی رابردوودا ژینگە و دارستانەكانی دەورووبەری سەردەشت ئاگریان تێبەر بووە.
بەپێی هەواڵی ئاژانسی هەواڵدەریی كوردپا، دارستانی گەڕەكەكانی "شەبەكەی دوو و مەزناوێ" لە سەردەشت گڕی گرتووە و خەسارێكی زۆر بە سروششتی ئەو شوێنانە گەیشتووە.
یەكێك لە دانیشتوانێ ئەو گەڕەكی مەزناوێ بە هەواڵنێری كوردپای راگەیاندووە، ناوەندە حكوومەتییەكانی وەكوو جەنگەڵبانی و ژینگەپارێز هیچ هەوڵێكیان بۆ كووژاندنەوەی ئەو ئاگرە نەداوە.
لەلایەكی دیكەوە لە ماوەی چەند مانگی رابردۆوە هەتا ئێستا دارستان و ژینگە و لێڕەوارەكانی دەورووبەری مەریوان و سەوڵاوا بە بەردەوامی ئاگریان تێپەردراوە.
بەپێی دوایین هەواڵ رۆژی یەكشەممە رێكەوتی 9ی رەزبەر ئاگر لە ژینگە و دارستانی گوندەكانی "دۆڵەبی و بەیەڵە" و هەروەها سێ رێیانی "بیلوو" بەردراوە رێژەیەكی بەرچاو لەو سروشتە گڕی گرتووە و تێدا چووە.
