Girtîgeha Nexede; Çalakvanê medenî Hacî Berze bi danîna barimteya 2 milyard û 500 milyon Tûmenî hat berdan
![](/content/upload/1/news-kurdpa/6423.jpg)
Roja Duşemî 7’ê Cozerdenana 1403’an a Rojî, Hacî Berze, çalakvanê medenî û birayê Bapîr Berze girtiyê siyasî yê Kurd, bi danîna barimteya 2 milyar û 500 milyon Tûmenî, ji girtîgeha Nexede bi awayekî demkî hat azadkirin.
Li gor çavkaniyeke agehdar, ev çalakvanê medenî ji bo lêpirsînê bo girtîgeha Îtlaata Urmiyê hatibû veguhastin û piştî bidawîhatina proseya lêpirsînê bo girtîgeha Nexede hatibû veguhastin.
Roja Çarşemî 19ê Banemera 1403`an a Rojî, Hacî Berze bêyî nîşandana belgeya dadgehê, li cihê karê xwe ji aliyê hêzên ewlehiyê ve hatibù binçavkirin.
Hacî Berze birayê Bapîr Berze, girtiyê siyasî xelkê gundê “Çiyane” a ser bi bajarê Pîranşarê ye, ku roja Şemî 23’ê Befranbara a 1402’an a Rojî bo derbazkirina cezayê xwe bo girtîgeha Nexede hatibû veguhastin.
Heta niha ti zanyariyên berfireh li derheq sebeba binçavkirin û tometbarkirina vî welatiyê Kurd bi dest neketin.